{"id":8962,"date":"2026-01-13T16:59:46","date_gmt":"2026-01-13T15:59:46","guid":{"rendered":"https:\/\/www.jimberemag.org\/amayagwa\/?p=8962"},"modified":"2026-01-13T17:18:06","modified_gmt":"2026-01-13T16:18:06","slug":"ubudandaji-paeej-urwaruka-kigega-bije-burundi","status":"publish","type":"post","link":"https:\/\/www.jimberemag.org\/amayagwa\/ubudandaji-paeej-urwaruka-kigega-bije-burundi\/","title":{"rendered":"Umushikiranganji Kibeya yaciye ku mugoroba kwisumira mu kigo c\u2019Ubudandaji KIGEGA"},"content":{"rendered":"<div class=\"wp-block-image\">\n<figure class=\"alignright size-large is-resized\"><img loading=\"lazy\" decoding=\"async\" width=\"768\" height=\"1024\" src=\"https:\/\/www.jimberemag.org\/amayagwa\/wp-content\/uploads\/2026\/01\/Ministre-kibeya-ariko-arigera-ikirato-768x1024.jpeg\" alt=\"\" class=\"wp-image-8963\" style=\"aspect-ratio:0.7499961852445258;width:474px;height:auto\" srcset=\"https:\/\/www.jimberemag.org\/amayagwa\/wp-content\/uploads\/2026\/01\/Ministre-kibeya-ariko-arigera-ikirato-768x1024.jpeg 768w, https:\/\/www.jimberemag.org\/amayagwa\/wp-content\/uploads\/2026\/01\/Ministre-kibeya-ariko-arigera-ikirato-225x300.jpeg 225w, https:\/\/www.jimberemag.org\/amayagwa\/wp-content\/uploads\/2026\/01\/Ministre-kibeya-ariko-arigera-ikirato.jpeg 867w\" sizes=\"auto, (max-width: 768px) 100vw, 768px\" \/><figcaption class=\"wp-element-caption\"><strong><em><sup>Umushikiranganji Kibeya ariko arigera ikirato cakozwe n&rsquo;urwaruka, mu kigo KIGEGA&#8230;<\/sup><\/em><\/strong><\/figcaption><\/figure>\n<\/div>\n\n\n<p><strong><a href=\"https:\/\/www.facebook.com\/kigega\">Ikigo c\u2019ubudandaji KIGEGA<\/a> kiramaze indwi nkeyi gikora, mu nyubakwa ndangangakaranga (Palais des Arts) mu gisagara ca Bujumbura. Kw&rsquo;ihangiro ryo guteza imbere ibihingurirwa mu Burundi \u201cMade in Burundi\u201d, carahimbawe no kwiyakirira ku mugoroba wo kuri uyu wa 07 Nzero 2026 Umushikiranganji ajejwe Ubudandaji n&rsquo;amahinguriro, yari ahaciye kugira asume yongera anirabira ingene uyo mugambi uriko uratera imbere<\/strong><\/p>\n\n\n\n<p>Umwihweje warashobora kubona ko ahimbawe no kubona ko \u00ab\u00a0indoto yabaye ukuri\u00a0\u00bb. Kanatsinda, ayo ni yo majambo ya mbere Dr Hassan Kibeya yatanguye kuvuga ariko aratembera muri yo nyubakwa ubu igenewe kwakira no kudandarizwamwo ibihingurirwa mu Burundi, hisunzwe ingingo yafashwe n&rsquo;Inama nshikiranganji kuva mu ntango za 2023. <br>Muri ico gihe, uyo yahavuye aba Umushikiranganji ajejwe Ubudandaji n\u2019Amahinguriro yari akiri umuyobozi mukuru w\u2019igisata c\u2019ukwitunganiriza imigambi nk&rsquo;urwaruka, muri <a href=\"https:\/\/www.facebook.com\/profile.php?id=100077938393856\" target=\"_blank\" rel=\"noreferrer noopener\"><strong>wa mugambi PAEEJ.<\/strong><\/a><\/p>\n\n\n\n<p>Mu ntumbero yo gushaka gutorera umuti ikibazo c\u2019isoko ry\u2019ibidandazwa vy\u2019amashirahamwe y\u2019urwaruka yashigikiwe na PAEEJ, hamwe n\u2019ikibazo gishingiye ku kumenyekanisha utwigoro twa Reta mu guteza imbere ibikorwa vy&rsquo;ukwitunganiriza imigambi ku rwaruka, PAEEJ yaragiriraniye amasezerano muri Ruheshi 2023 n&rsquo;Ubushikiranganji bujejwe ico gisata, yo gukorera no kuvyaza umusaruro inyubakwa ndangakaranga (Palais des Arts).<\/p>\n\n\n\n<p>Inyuma y&rsquo;amezi mirongo itatu, n&rsquo;uburyo bwababa umuriyaridi umwe w\u2019amafaranga y\u2019amarundi yari ashizwe mu kunagura ico kigo cahora gikoreshwa rimwe na rimwe mu mahayanisha y\u2019ibidandazwa vyo mu Misiri (Egypte) canke muri Kenya, canke kikadandarizwamwo mu kiringo kanaka ibikoresho vy\u2019ishure, inyubako ya \u00ab\u00a0Palais des Arts\u00a0\u00bb yarahinduye isura ku buryo ubu bigoye kuyimenya.<\/p>\n\n\n\n<p>Urwego PAEEJ rwarahashize ibikoresho vyose bikenewe kugira habere ubudandaji bw&rsquo;ibihingurirwa mu Burundi, uburongozi bwaco buhabwa ishirahamwe ry\u2019abanyamigambi KIGEGA. Ico kigo cugururiwe urwaruka rwashigikiwe n&rsquo;uburyo bwa Reta biciye muri (PAEEJ, BIJE, BIDF) canke bahawe uburyo n&rsquo;abigenga (infashanyo, itunga ry\u2019umuryango, ingurane ya banki, n\u2019ibindi).<\/p>\n\n\n\n<p>Kandi akamo batewe barakitavye: amashirahamwe n\u2019amakoperative arenga 300 aramaze kwiyandikisha kugira ahazane ibidandazwa vyayo. Ubu mu ntango, ibikorwa bijanye no kudandaza muri ico kigo bitangura kuva isaha cumi na zibiri zo mu gitondo gushika isaha zine z&rsquo;ijoro (de 6h \u00e0 22h) buri munsi, imbere yuko ico kigo citaza ngo gitangure gukora amasaha 24 kuri 24.<\/p>\n\n\n\n<figure class=\"wp-block-embed is-type-video is-provider-youtube wp-block-embed-youtube wp-embed-aspect-16-9 wp-has-aspect-ratio\"><div class=\"wp-block-embed__wrapper\">\n<iframe loading=\"lazy\" title=\"\ud83d\ude0dKaze mu kigo c&#039;ubudandaji Kigega! Ibidandazwa bitandukanye bihinguriwe mu \ud83c\udde7\ud83c\uddee, vyiza ku kabeyi keza!\" width=\"1000\" height=\"563\" src=\"https:\/\/www.youtube.com\/embed\/rjHYATfyF9Q?feature=oembed\" frameborder=\"0\" allow=\"accelerometer; autoplay; clipboard-write; encrypted-media; gyroscope; picture-in-picture; web-share\" referrerpolicy=\"strict-origin-when-cross-origin\" allowfullscreen><\/iframe>\n<\/div><\/figure>\n\n\n\n<p><strong>Gukomeza ibisata vyo kugwiza umwimbu<\/strong><\/p>\n\n\n\n<p>Iruhande y&rsquo;ahadandarizwa ivyahinguriwe mu Burundi, KIGEGA yaruguruye ikibanza c\u2019ugufungura cahariwe <a href=\"https:\/\/www.facebook.com\/profile.php?id=61582831433989\" target=\"_blank\" rel=\"noreferrer noopener\"><strong>inyama z\u2019inkwavu kiri mu minwe y&rsquo;ishirahamwe BITWI<\/strong><\/a>, ibituma ikigo co kugwiza inkwavu z&rsquo;amaraso mashasha co <a href=\"https:\/\/www.facebook.com\/JimbereMagazine\/posts\/pfbid02LnWkC6sKxztxPwq1oy83tth6YSyniteW8KzKxHcF3PMtSQCzk4w8258GP783Q9tnl\">ku <\/a><a href=\"https:\/\/www.facebook.com\/JimbereMagazine\/posts\/pfbid02LnWkC6sKxztxPwq1oy83tth6YSyniteW8KzKxHcF3PMtSQCzk4w8258GP783Q9tnl\" target=\"_blank\" rel=\"noreferrer noopener\">Muyange<\/a> na co nyene gifashwe mu mugongo na PAEEJ kironka aho gishorera umwimbu waco mu gihe hakirindiriwe gukwiragizwa cane mu benegihugu ubwo <a href=\"https:\/\/www.facebook.com\/JimbereMagazine\/videos\/718346050870133\" target=\"_blank\" rel=\"noreferrer noopener\"><strong>bworozi bw\u2019ubwoko bushasha bw\u2019inkwavu buva mu Bufaransa.<\/strong><\/a><\/p>\n\n\n\n<p>Gutyo rero, kuva mu gisata c\u2019ubworozi bw\u2019inkwavu gushika ku bidandazwa vyo mu nzu, tutibagiye ibijanye n&rsquo;inyambaro n&rsquo;ibihingurwa mvabwenge, KIGEGA, nk\u2019umugambi ukomeye wa PAEEJ, iraronderera amasoko ibidandazwa biva mu mashirahamwe yashigikiwe mu buryo, maze ivyo bikazofasha urwaruka gusubiza ingurane rwahawe.<\/p>\n\n\n\n<p>Zimwe mu ngorane zimaze kuboneka kandi zashikirijwe Umushikiranganji Kibeya, Umuyobozi w\u2019Ubudandaji wa KIGEGA, Arlette Mpundu, adondagura <em>\u201cubushobozi buke bw\u2019amashirahamwe akorera muri KIGEGA bwo gushobora kuronka ibikwira ivyo abaguzi basaba, ikibazo kijanye no kwemera gushira ibikorwa mu buryo bwemewe n\u2019amategeko, hamwe n\u2019igihe kirekire bitwara kugira ngo ibidandazwa vyemezwe ko bikwije ibisabwa.\u201d<\/em><\/p>\n\n\n\n<p>Twibutse ko ikintu gisabwa kugira amashirahamwe y\u2019urwaruka (bafise hagati y\u2019imyaka 15 na 40) adandarize mu kigo KIGEGA ari <strong><a href=\"https:\/\/www.facebook.com\/JimbereMagazine\/videos\/718346050870133\" target=\"_blank\" rel=\"noreferrer noopener\">ukwiyandikisha ku bushake, biciye ku buhinga bwa none kandi ari ku buntu<\/a><\/strong>, yemera kandi gutanga kuri KIGEGA ibice 10% vy\u2019ivyo yagurishije kugira bifashe mu bijanye n\u2019uburyo bukoreshwa n\u2019ukumenyekanisha ikibanza.<\/p>\n\n\n\n<p>Nk\u2019uko Umuyobozi w\u2019Ubudandaji wa KIGEGA abisigura ati: <em>\u201cTwipfuza ko urwaruka rushira inguvu zarwo cane ku kugwiza umwimbu, gutyo rukareka KIGEGA ikaruronderera isoko ry\u2019ibidandazwa vyarwo.\u201d<\/em><\/p>\n","protected":false},"excerpt":{"rendered":"<p>Ikigo c\u2019ubudandaji KIGEGA kiramaze indwi nkeyi gikora, mu nyubakwa ndangangakaranga (Palais des Arts) mu gisagara ca Bujumbura. Kw&rsquo;ihangiro ryo guteza imbere ibihingurirwa mu Burundi \u201cMade in Burundi\u201d, carahimbawe no kwiyakirira ku mugoroba wo kuri uyu wa 07 Nzero 2026 Umushikiranganji ajejwe Ubudandaji n&rsquo;amahinguriro, yari ahaciye kugira asume yongera anirabira ingene uyo mugambi uriko uratera imbere [&hellip;]<\/p>\n","protected":false},"author":30,"featured_media":8963,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[207],"tags":[238,693,532],"coauthors":[189],"class_list":["post-8962","post","type-post","status-publish","format-standard","has-post-thumbnail","hentry","category-ubutunzi","tag-inkurunkuru","tag-kigega","tag-paeej"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/8962","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/30"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=8962"}],"version-history":[{"count":5,"href":"https:\/\/www.jimberemag.org\/amayagwa\/wp-json\/wp\/v2\/posts\/8962\/revisions"}],"predecessor-version":[{"id":8969,"href":"https:\/\/www.jimberemag.org\/amayagwa\/wp-json\/wp\/v2\/posts\/8962\/revisions\/8969"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/8963"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=8962"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=8962"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=8962"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=8962"}],"curies":[{"name":"wp","href":"https:\/\/api.w.org\/{rel}","templated":true}]}}