{"id":8440,"date":"2024-08-12T17:29:14","date_gmt":"2024-08-12T15:29:14","guid":{"rendered":"https:\/\/www.jimberemag.org\/amayagwa\/?p=8440"},"modified":"2024-09-22T18:22:36","modified_gmt":"2024-09-22T16:22:36","slug":"burundi-curijambo-ikirundi-language-gusoma","status":"publish","type":"post","link":"https:\/\/www.jimberemag.org\/amayagwa\/burundi-curijambo-ikirundi-language-gusoma\/","title":{"rendered":"\u00ab\u00a0Hakuvuga Miss, tuzohore dukoresha ijambo Murimbane\u00a0\u00bb"},"content":{"rendered":"\n

Ikiyago ca kane kur’uwu wa 8 Myandagaro 2024 ca rya sekeza ngarukamwaka Curijambo<\/a>, cari gihariwe amajambo akoreshwa mu bisata vy’ibikorwa mvabwenge (arts) n’ic’inkino (sport). Abatumire yari Prosper Bahaga<\/a>, umuhinyanyuzi akaba n’umuririmvyi, Theodore Ntunga<\/a>, umumenyeshamakuru w’inkino na Ferdinand Mberamihigo<\/a>, umuhinga w’indimi yigisha muri Kaminuza y’Uburundi.
<\/strong>
Ico kiganiro casa n’ikigaruka ku mpungenge bamwe n’abandi bafise ku burame bw’amajambo acurigwa mw’isekeza Curijambo. Kukaba nkako, mu bari bitabiriye iryo sango harimwo abari bahaje ubwambere, nk’umuririmvyi Prosper Bahaga. Yagiriyeko ashikiriza ko \u00ab\u00a0ata shure ryo gucura amajambo kw’isi ribaho. Amajambo ava mu bantu, agashinga imizi mu mvugo kuko aguma akoreshwa. Abarundi twicaye hamwe tugacura amajambo, turashobora kwubaka ikirundi kitavanze n’izindi ndimi.\u00a0\u00bb<\/em>
Mu kumwunganira, umwigisha-mutohozandimi Ferdinand Mberamihigo yarasobanuye ko n’abatohozandimi batajejwe gucura amajambo, ahubwo ko bafasha gusuzuma nimba ijambo ryacuzwe riba rifise inyubako ihuye n’urwo rurimi iryo jambo ryacuzwemwo.<\/p>\n\n\n\n

Inyuma yo gushima uwu mugambi wa Curijambo, Joseph Mukubano, umwigisha w’igifaransa muri Kaminuza y’Uburundi akaba n’umukunzi w’Ikirundi, yasavye buri murundi kurondera uturyo twose dushoboka two gukoresha aya majambo acurwa kugira ngo ntaherere mu gucura, ahubwo aryohore ururimi kavukire rw’ikirundi.
Mu kumwunganira, Th\u00e9odore Ntunga yateye akamo abamenyeshamakuru bagenzi we ko kwama bihatira gukoresha aya majambo mu gufasha kuryohora Ikirundi: \u00ab\u00a0Nitwimenyereza kwama dukoresha aya majambo ku nsamirizi, ku mboneshakure no mu binyamakuru, abarundi bazoyamenyera hama twisange twamaze kuyakunda no kuyiyumvamwo.\u00a0\u00bb<\/em><\/p>\n\n\n

\n
\"\"
Abatumire (uvuye i buryo) yari Th\u00e9odore Ntunga, umumenyeshamakuru w’inkino, Prosper Bahaga, umuhinyanyuzi akaba n’umuririmvyi, hamwe na Ferdinand Mberamihigo, umuhinga w’indimi yigisha muri Kaminuza y’Uburundi.<\/sup><\/strong><\/em><\/figcaption><\/figure>\n<\/div>\n\n\n

Muri ico kiyago cama kimara amasaha abiri, amajambo umunani niyo yacuzwe ayandi arashirwa ahabona:<\/p>\n\n\n\n

Artiste<\/em>: Umur\u012bmb\u0101nyi<\/em><\/strong> | Miss<\/em>: Umurimb\u0101ne<\/em><\/strong> | Art<\/em>: Ubur\u012bmb\u0101nyi<\/strong><\/em> (kur\u012bmb\u0101nya) | (Maison d’) \u00e9dition<\/em>: Indamurabitabu<\/em><\/strong> | Roman<\/em>: Ing\u00e1nam\u00fagani<\/em><\/strong> | Corner<\/em> (Kick): Umuv\u00e2mf\u00faruka<\/em><\/strong> (umupira) | Carton rouge<\/em>: Ruhashamakosh\u00e1<\/em><\/strong> (ikarata itukura) | Penalty<\/em>: Ikiny\u00e2nk\u016dmbi<\/em><\/strong> | Syst\u00e8me<\/em> (de jeu): Umunoni<\/em><\/strong> (w’urukino)<\/p>\n\n\n\n

    \n
  1. <\/li>\n<\/ol>\n\n\n\n

    Hambavu y’ayo majambo yacuzwe, abakunzi b’ikirundi bahavuye bemeje guha agaciro no kwijukira gukoresha amajambo amwamwe yo muri ivyo bisata asanzwe ahari mugabo abantu bakirengagiza kuyakoresha, bagahitamwo kuguma bakoresha igifaransa. Ayo nayo ni:<\/p>\n\n\n\n

    Attaquant<\/em> (football): umusatirizi<\/strong> (si rutahizamu, kuko ico ni ikinyarwanda) | Gardien de but<\/em>: umusamyi<\/strong><\/em> (si umunyezamu) | Surface de r\u00e9paration<\/em>: Mukorumbone<\/strong><\/em> | (Abakora) backing<\/em> (mu kuririmba): Ba nyung\u0101niriza<\/strong><\/em> | Verset<\/em>: Igitero<\/em><\/strong> | Refrain<\/em> (Chorus): Icitabirizo<\/strong><\/em><\/p>\n\n\n\n

      \n
    1. <\/li>\n<\/ol>\n\n\n\n

      Abakunzi b’ikir\u016dndi ntibagarukirije aho kuko hariho n’imvugo z’ikirundi abantu bakunda gukoresha ukutari kwo bibukije abazikoresha ingene zikwiye gukoresha bisunze inyubako n’insiguro y’Ikirundi.<\/p>\n\n\n\n

        \n
      • Ntibavuga ngo \u00ab\u00a0Mva mu Gihogazi<\/em>\u00ab\u00a0, bavuga \u00ab\u00a0Nkomoka mu Gihogazi<\/em>\u00a0\u00bb kuko hava ikintu camenetse <\/li>\n\n\n\n
      • Ntibavuga \u00ab\u00a0impano<\/em>\u00ab\u00a0, ahubwo ni \u00ab\u00a0ingabire<\/em>\u00a0\u00bb kuko \u00ab\u00a0impano\u00a0\u00bb ni ikinyarwanda<\/li>\n\n\n\n
      • Ntibavuga \u00ab\u00a0ingorane duhura na zo<\/em>\u00ab\u00a0, ahubwo ni \u00ab\u00a0ingorane tugira<\/em>\u00a0\u00bb kuko ingorane na zo vyose bisigura ingorane<\/li>\n<\/ul>\n\n\n\n

        Muri ico kiyago, umutohozandimi Mberamihigo, yarasiguriye abantu ko batahura nabi irivuga \u00ab\u00a0kwenda\u00a0\u00bb, ndetse bakanariha insobanuro itariyo, rigatakaza insobanuro y’aryo y’akame. Yavuze ati: \u00ab\u00a0Mu kirundi ciza, ‘kwenda’ bisigura kwakira. Nk’akarorero, bavuze ngo ‘uwu mugore yenzwe kwa naka’, baba bavuze ko arongowe canke yakiriwe mu muryango kwa naka. Canke naho bavuze ngo ‘umusore naka yenze umugore naka’, baba bashatse kuvuga ko uwo musore yarongoye canke yakiriye umugore naka.\u00a0\u00bb<\/em><\/p>\n\n\n\n

        \n