{"id":8118,"date":"2024-03-04T10:38:48","date_gmt":"2024-03-04T09:38:48","guid":{"rendered":"https:\/\/www.jimberemag.org\/amayagwa\/?p=8118"},"modified":"2024-03-04T10:39:36","modified_gmt":"2024-03-04T09:39:36","slug":"bimwe-bituma-abigeme-batize-babangamirwa-amabi-afatiye-gitsina-burundi","status":"publish","type":"post","link":"https:\/\/www.jimberemag.org\/amayagwa\/bimwe-bituma-abigeme-batize-babangamirwa-amabi-afatiye-gitsina-burundi\/","title":{"rendered":"Bimwe mu bituma abigeme batize babangamirwa n’amabi afatiye ku gitsina"},"content":{"rendered":"\n

Buri mwaka, ku wa kane Ntwarante ni umunsi wahariwe ukugwanya ikubagurwa rishingiye ku gitsina. Uwo munsi ushitse mu gihe icegeranyo c’ishirahamwe UNFPA mu Burundi cerekanye ko amabi afatiye ku gitsina, abangamiye cane abigeme batize. Muti none vyoba biva kuki? Umuhinga mu vyerekeye inyifato, Prime Bigirindavyi aradusigurira.<\/em><\/strong><\/p>\n\n\n\n

Abigeme batize, canke abagarukirije hagati amashure yabo, bahura n’ibibazo bitari bike. Muri vyo harimwo ukwikengera, bifatiye ko batanganya ubumenyi n’abandi bo mu rugero rwabo. Bituma bikumira ku buryo womengo uwo ari we wese ashobora kubaha ikibanza yiyumviriye, nk\u2019aho wogira ngo abifitiye uburenganzira, bikanafatwa nk’ibisanzwe mu kibano, nk\u2019uko bivugwa na Prime Bigirindavyi, umuhinga yanonosoye ivyigwa bijanye n\u2019inyifato. Aratwiganira bimwe mu bituma abigeme babangamirwa n’amabi afatiye ku gitsina.<\/p>\n\n\n\n

Kuba umuzezwanzu<\/strong><\/p>\n\n\n\n

Prime Bigirindavyi avuga ko umwigeme atize, azezwa ibikorwa vyose vyo mu rugo. Ati : \u00ab Ni we abazwa ibituruka n\u2019ibitaha. Aho twovuga : Kurima, kuvoma, gusenya, kwahirira inyana, n’ibindi.<\/em><\/p>\n\n\n\n

Ivyo bikorwa bituma aca mu bibanza bitamukingira, nko guca mu mashamba manini manini, ku migezi, n\u2019ahandi.<\/em><\/p>\n\n\n\n

Mu kibano rero, bamaze kugendereza amasaha uwo mwigeme agirako muri ivyo bikorwa, bakanamenya ko agenda ari wenyene birashika ko afatwa ku nguvu, na rirya ata n’uwotabara. N’uwumwumvise akoma akaruru atabaza, ahashika ibara ryamaze kugwa. Akaba arazize ibikorwa akora, ataruhara yabigizemwo \u00bb.<\/em><\/p>\n\n\n\n

Ukutamenya<\/strong><\/p>\n\n\n\n

Nk’uko Mwigisha Prime Bigirindavyi abandanya avyigana, abigeme benshi birirwa mu dukorwa two muhira, ntibaronka umwanya wo kuganira n’abavyeyi. Kanatsinda n’ukwisanzura ntikuba ari ikirenga. Ikiba kibaraje ishinga ni ukubona umunsi urangiye, yahejeje ibikorwa yabwirizwa gukora vyose. Ivyo rero biratuma aba nk’uwiyibagiye, ntiyitwararike ivyerekeye kumenya ubuzima bwiwe nk’umwigeme, canecane ubuzima ndoragitsina.<\/p>\n\n\n\n

Bigirindavyi ati : \u00ab Benshi muri bo n’iyo bahuye n’icago co gufatwa ku nguvu ntibabivuga. Barinumira ku gutinya uruvugo, uko bobonwa bimenyekanye, canke ko n’abavyeyi boshobora kutabatahura<\/em>.\u00a0\u00bb<\/p>\n\n\n\n

Ivyo bituma bimenyekana ataco bakimufasha, kuko kumbure atabangukiye kuja kwa muganga akigira iryo sanganya.<\/p>\n\n\n\n

Imico y’ikirundi.<\/strong><\/p>\n\n\n\n

Ku bwa Prime Bigirindavyi, rimwe na rimwe imico itahuwe nabi irashobora gutuma umwigeme ageramirwa n’amabi ashingiye ku gitsina. Iyo mu kibano abana bakuze batarezwe kumwe, hakaba igitsina kimwe umengo kiritaweho kurusha ikindi, abana ntibahabwe amahirwe angana bituma bamwe basuzugura abandi.<\/p>\n\n\n\n

Ivyo Bigirindavyi abisigura muri aya majambo: \u00ab Bishobora gutuma nk’umwana w’umuhungu abona umengo ntiyigera akora amakosa co kimwe n’umukobwa. Yiyumva nk’umunyacubahiro canke uwutanga amategeko yigereranije na mushikiwe, ku buryo anafata ko ari ibisanzwe kurenganya mushikiwe. Mbere kenshi babona umengo nta muhungu akora ikosa, ku kwanka guca bugufi \u00bb. <\/em>Iyo bigenze uko, uyo muhinga mu bijanye n\u2019inyifato avuga ko, iyo uwo murondo akuze abona ategerezwa kwihangana, kwiyumanganya, guca bugufi, guhebera musazawe, aragera aho abantu bose b’igitsina gabo abona ko ari abubahwa. Muri ico gihe uwumuhaye itegeko wese araryubaha, akarikurikiza. Hari aho biba vyiza, ariko bishobora no gutuma yemera ivyo atokwemeye, kubwo gutinya. Ni uko ashobora no gufatwa ku nguvu, canke agahendeshwa uruyeri.<\/p>\n\n\n\n

Hari rero abatinya kubivuga ngo ntibitwe inshinyakare, ibitandero, kuko kenshi n’uwubahutse kubivuga babona umengo vyoba vyamuvuyeko. \u00ab Aho rero haracarimwo agahaze kuko ababikora badaheza ngo bahanwe bishemeye, bigatuma ico caha gikorwa cisubiriza,\u00bb <\/em> nk\u2019uko bivugwa na mwigisha Bigirindavyi<\/em>.<\/p>\n\n\n\n

Ubukene<\/strong><\/p>\n\n\n\n

Muri kino gihe, abana bareka kwiga, kuko  bava mu miryango yagutse cane, ariko ikenye. Ku bwa Prime Bigirindavyi, ubukene buratuma abavyeyi badakwirikirana neza indero y’abana babo. Iyo ari benshi, usanga umuvyeyi ategeka abisumbuye gato kugerageza kwisumamwo. Yabona uwugize ico atahana, akabona ko Imana icanye.<\/p>\n\n\n\n

Ku bwiwe ngo abo bana baba bagikeneye kwitabwaho, kuko baba bakeneye vyinshi ngo bakure neza. Ariko kuko ubuzima buba bwifashe nabi, benshi baca baja mu gisagara kuraba ko bobaho neza kurusha.<\/p>\n\n\n\n

Ku nzira, bahura na vyinshi bibasamaza bishobora no kubaviramwo ugufatwa ku nguvu. N’abagize amahirwe bagashika mu gisagara, biragorana ko baronka ubuzi butuma babaho neza, na rirya bataba barize, ntibabe banamenyereye igisagara.<\/p>\n\n\n\n

Benshi muri abo bigeme rero baronka ubuzi bwo mu nzu. Naho intumbero iba yabazanye ari kurondera uko babaho, no gufasha imiryango bavukamwo, si benshi babishikako uko bavyifuza. Mwigisha Bigirindavyi abona ko \u00abkuko baza atawubashigikiye, niko ata n’ikibakingira kinini kihaba. Badahuye n’abavyeyi b’umutima, bakorerwa amabi menshi. Uri uwukoze akazi karengeye imyaka yiwe, uri uwukoze ntahembwe, uri abakubitwa, abandi bagafatwa ku nguvu. \u00bb Abo bose rero,<\/em> babura uko babigira bagapfa gukenyererako, kuko n’imiryango iba ibitezeko vyinshi. Hari n’abagera aho bamenyera ubuzima bwo mu gisagara ku buryo n’aho bohura n’ingorane zimeze gute batosubira mu misozi, kuko batoba bagishobora kuba mu buzima bubayabaye.<\/p>\n\n\n\n

Umuhinga Prime Bigirindavyi abona ko hakwiye amahimirizwa menshi, kugira urwaruka rumenye uko rwiyubara ibiza birubangamiye, canecane amabi afatiye ku gitsina, bamenye n\u2019inyifato bogira mu gihe bashikiwe na mwene ivyo bibazo<\/p>\n","protected":false},"excerpt":{"rendered":"

Buri mwaka, ku wa kane Ntwarante ni umunsi wahariwe ukugwanya ikubagurwa rishingiye ku gitsina. Uwo munsi ushitse mu gihe icegeranyo c’ishirahamwe UNFPA mu Burundi cerekanye ko amabi afatiye ku gitsina, abangamiye cane abigeme batize. Muti none vyoba biva kuki? Umuhinga mu vyerekeye inyifato, Prime Bigirindavyi aradusigurira. Abigeme batize, canke abagarukirije hagati amashure yabo, bahura n’ibibazo […]<\/p>\n","protected":false},"author":3,"featured_media":8119,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[647],"tags":[235],"coauthors":[34],"class_list":["post-8118","post","type-post","status-publish","format-standard","has-post-thumbnail","hentry","category-agateka-kabakenyezi","tag-amabi-akorerwa-abakenyezi"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/8118","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/3"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=8118"}],"version-history":[{"count":1,"href":"https:\/\/www.jimberemag.org\/amayagwa\/wp-json\/wp\/v2\/posts\/8118\/revisions"}],"predecessor-version":[{"id":8121,"href":"https:\/\/www.jimberemag.org\/amayagwa\/wp-json\/wp\/v2\/posts\/8118\/revisions\/8121"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/8119"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=8118"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=8118"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=8118"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=8118"}],"curies":[{"name":"wp","href":"https:\/\/api.w.org\/{rel}","templated":true}]}}