{"id":6885,"date":"2022-01-19T09:13:25","date_gmt":"2022-01-19T08:13:25","guid":{"rendered":"https:\/\/www.jimbere.org\/amayagwa\/?p=6885"},"modified":"2022-01-19T09:14:09","modified_gmt":"2022-01-19T08:14:09","slug":"figa-ikigega-ntasubirizwa-gushigikira-imigambi-urwaruka-burundi","status":"publish","type":"post","link":"https:\/\/www.jimberemag.org\/amayagwa\/figa-ikigega-ntasubirizwa-gushigikira-imigambi-urwaruka-burundi\/","title":{"rendered":"FIGA, Ikigega ntasubirizwa mu gushigikira imigambi y\u2019urwaruka"},"content":{"rendered":"\n

Iki, gitwarwa mu Bushikiranganji bw\u2019Ubutunzi, gifise inzego zibiri ari zo : inama nyobozi yashizweho ku wa 21 Mukakaro 2021 hamwe n\u2019igisata kijejwe itunganywa kigizwe n\u2019umuyobozi hamwe n\u2019abakozi bafashanya. Mbega FIGA kigiye gufasha iki koko ? Umuco<\/strong><\/p>\n\n\n\n

Ikigega co gushigikira no guherekeza imigambi y\u2019urwaruka \u201cFIGA\u201d caramaze kwemerera guha uburyo bungana n\u2019amafaranga y\u2019amarundi 61.500.000 amakoperative 8 y\u2019urwaruka biciye mw\u2019ibanki y\u2019urwaruka \u201cBIJE\u201d kuva mu kwezi kwa Mukakaro guheze. N\u2019aho kiboneka nka gishasha, ikigega \u201cFIGA\u201d ni umugambi watanguye kuva kera. Olga Nyampundu, umuyobozi, avuga ko uwo mugambi uba watanguye gushirwa mu ngiro mu mwaka wa 2015. Aho hambere, harabaye mu gisagara ca Bujumbura imibonano n\u2019inganda zitandukanye zihuza abanyamabanki hamwe n\u2019abatanguza imigambi yabo ariko ntaco vyatanga kiboneka. Ico bihweza cari ukuraba uburyo imigambi n\u2019amashirahamwe matomato canke ayabayabaye yoronka uburenganzira bwo gushigikirwa no kuronka ingurane mu mabanki<\/p>\n\n\n\n

Abanyamabanki bavuga ko abatanguza imigambi bazana imigambi itizwe neza, iyo rero ibanki ikaba idashobora kuyironsa ingurane. Aba bazana imigambi na bo bakavuga ko nyabuna amabanki atabagirira icizere. Ntibabibona kumwe. Mu gutorera umuti ivyo, Reta y\u2019Uburundi yaratanguje ku wa 21 Ndamukiza 2015 biciye mw\u2019itegeko, igisata ca Reta kigizwe n\u2019inzego ndongozi citwa \u201cFIGA\u201d. Intumbero nyamukuru ikaba yari iyo gushiraho ikigega co gushigikira, guherekeza no gufasha abatanguza imigambi kuyiga no kuyitegura neza kugira ishobore gutangwa mu mabanki ari imigambi inoboye ibereye guhabwa ingurane mu mabanki. Ariko bivanye n\u2019ibihe Uburundi bwarimwo muri ico gihe, uwo mugambi waciye ubanza kuba urabangiriwe.<\/p>\n\n\n\n

Inyuma y\u2019imyaka 6, Reta y\u2019Uburundi ica itanguza umugambi wo guteza imbere amakoperative n\u2019amashirahamwe y\u2019urwaruka n\u2019abakenyezi. Ubonako ubu n\u2019Umukuru w\u2019Igihugu c\u2019Uburundi ahamagarira abantu bose kwitunganiriza imigambi ibafasha kwibeshaho batazeye inze gutyo bagwize umwimbu. Yaratanze icivugo ngenderwako kigira giti : \u00ab Umunwa wose uronke ico gufungura kandi n\u2019umufuko wose uronke amafaranga awujamwo<\/em> \u00bb. Ivyo umukuru w\u2019igihugu akaba yabishikirije ku wa 18 Ruheshi 2020 mu gihe yariko arahirira kurongora igihugu, mbere akaba yaciye yemera ko azoshigikira bimwe biboneka amakoperative n\u2019amashirahamwe matomato n\u2019ayabayabaye ataratera imbere cane.<\/p>\n\n\n\n

Ikigega \u201cFIGA\u201d congera kunagurwa <\/strong><\/p>\n\n\n\n

Ni muri iyo ntumbero y\u2019indinganizo nshasha ya Reta kandi ihuye n\u2019ico civugo haciye hashingwa ibanki y\u2019urwaruka (BIJE) hamwe n\u2019ikigo kijejwe guteza imbere amakoperative no kuyaha intumbero (ANACOOP), ibanki y\u2019abakenyezi na yo ikaba irindiriye gutangura.<\/p>\n\n\n\n

Ikigega \u201cFIGA\u201d na co gica gisubira gutangura. \u00ab Kubera izo ndinganizo nshasha, natwe twaciye dutangura ingendo y\u2019ibikorwa vya \u201cFIGA\u201d, aho \u201cBIJE\u201d na \u201cANACOOP\u201d baronse ubwishingizi ku bwa \u201cFIGA\u201d <\/em>\u00bb nk\u2019uko bivugwa na Olga Nyampundu Muvy\u2019ukuri, Olga Nyampundu avuga ko \u201cFIGA\u201d ivyo gikora ari ukwishingira n\u2019ugufasha gusaba ingurane ziba zasabwe n\u2019urwaruka n\u2019abakenyezi baba biyegeranirije hamwe mu makoperative n\u2019amashirahamwe.<\/p>\n\n\n\n

Rero, intumbero ya \u201cFIGA\u201d ni iyo gufasha abantu bashaka gutanguza imigambi y\u2019iterambere kuronka ingurane muri banki kugira bashobore kuronka uburyo bwo gutanguza imigambi yabo mitomito canke iyibayabaye.<\/p>\n\n\n\n

Ubu, \u201cFIGA\u201d gikorana n\u2019ibanki \u201cBIJE\u201d mu kurindira ko n\u2019ibikorwa vy\u2019ibanki y\u2019abakenyezi na vyo bitangura, biciye mu gufasha abatanguza imigambi yabo y\u2019iterambere kuronka ingurane basaba biciye muri iyo banki y\u2019urwaruka.<\/p>\n\n\n\n

\"\"

Olga Nyampundu ingurane izohabwa abayisavye ibwirizwa gusubizwa kugira urundi rwaruka ruyisaba nqrwo ruronke<\/em><\/figcaption><\/figure><\/div>\n\n\n\n

\u201cFIGA\u201d ikora mu mice 3 : guteza imbere, kwishingira no guherekeza abafise imigambi bashaka gutanguza. Umuce wa mbere ni ugushigikira mu ntumbero yo guteza imbere abafise imigambi bashaka kurangura,<\/p>\n\n\n\n

umuce wa kabiri uraba ibijanye no kwishingira no gufasha abafise imigambi bashaka kurangura kuronka uburenganzira ku ngurane yo muri banki. Umuce wa gatatu ni uguherekeza imigambi iriko irarangurwa mu gushiraho ingingo ngenderwako imbere, mu gihe c\u2019irangurwa n\u2019inyuma y\u2019ishirwa mu ngiro ry\u2019umugambi<\/p>\n\n\n\n

Gute ho kubijanye n\u2019ingene ikigega \u201cFIGA\u201d gikora?<\/strong><\/p>\n\n\n\n

Olga Nyampundu avuga ko ico kigega cagiriraniye amasezerano yo gukorana n\u2019Ubushikiranganji bw\u2019Ubutunzi. Iyi na yo igaca itanga ubwishingizi bw\u2019imigambi iba yashizwe imbere. Ni urwego rujejwe ivy\u2019ubutunzi rwemeza ingurane ikwiye gutangwa mu migambi yashizwe imbere. \u201cFIGA\u201d ntabwo gikorana imbonankubone n\u2019abo bafise imigambi bariko bashaka kurangura.Oya. Nyabuna aca muri banki hanyuma iyi na yo igasaba \u201cFIGA\u201d kwemera ubwinshingizi.<\/p>\n\n\n\n

Kubwa \u201cBIJE\u201d, urwaruka rwishize hamwe mu makoperative rufise umugambi muto canke ubayabaye wegukira urwaruka bitura ibanki \u201cBIJE\u201d kugira ibaronse uburyo. \u201cBIJE\u201d ni yo ica irondera ikigega \u201cFIGA\u201d kugira gitange ubwishingizi kuri uwo yashikirije umugambi ashaka kurangura.<\/p>\n\n\n\n

Mwomenya kandi ko amasezerano y\u2019ubwishingizi y\u2019imigambi iba yashizwe imbere hagati ya \u201cFIGA\u201d na \u201cBIJE\u201d yateweko umukono ku wa 25 Ruheshi 2021. Ku bijanye n\u2019igihe vyokwanka ko bishura ingurane, Olga Nyampundu avuga ko ku bigega vyose bitanga ubwishingizi hama hari utuntu dushobora kwitamwo tubangamira ibikorwa. Agira ati: \u00ab Mu gutanga ingurane, \u201cBIJE\u201d irashiraho uburyo bwo kwikingira, ariko \u201cFIGA\u201d cemera guhangana n\u2019izo ngorane zokwibonekeza mu gihe umugambi wahawe ingurane utashizwe mu ngiro<\/em>. \u00bb<\/p>\n\n\n\n

Agahamagarira rero urwaruka gutanga imigambi babona ko ishoboka ko irangurwa mu ntumbero yo kwirinda guhomvya ikigega. Agira ati: \u00ab Birakwiye ko urwo rwaruka rumenya ko ubwo buryo baba bahawe bubwirizwa gusubizwa kugira n\u2019urundi rwaruka rusaba ingurane ruronke uburyo ruhabwa irufasha gutanguza imigambi yarwo \u00bb<\/p>\n\n\n\n

N\u2019intambamyi ntizibuze <\/strong><\/p>\n\n\n\n

Ku bijanye n\u2019intambanyi, Olga Nyampundu amenyeshako hoshirwa inguvu mu bijanye no gukarihiriza ubwenge urwaruka rushaka gutanguza imigambi yarwo. Mbere burya ngo urwaruka rusanzwe rufise impano ariko ngo rutazi ko rufise. Agira ati :\u00ab Birakwiye ko duhamagarira urwaruka gutegura imigambi ifise akabirya gutyo rukirinda kwigana imigambi y\u2019abandi kuko ivyo bituma baca bahomba<\/em>. \u00bb<\/p>\n\n\n\n

Iyindi ntambamyi umuntu atokwirengagiza, ni iyo ubushobozi k\u2019urwo rwaruka n\u2019abakenyezi yo gushobora kwitegurira neza imigambi ishobora guca ironka ingurane muri banki: \u00ab Nk\u2019akarorero, ibanki y\u2019urwaruka BIJE iramaze kuronka nk\u2019imigambi ijana y\u2019abashaka kurangura imigambi yabo, ariko muri yo, mike cane ni yo yaronkejwe uburyo kubera ko iyindi usanga itizwe neza. <\/em>\u00bb Anamenyesha kandi ko ikigega \u201cFIGA\u201d kigiye gutangura kuza kiraherekeza urwo rwaruka n\u2019abakenyezi mu migambi yabo nk\u2019uko biri mu mategeko akigenga: \u00ab Birategekanijwe mu muce wo guherekeza abafise imigambi bashaka kurangura, ko \u201cFIGA\u201d kibwirizwa gukurikiranira hafi imigambi imbere y\u2019uko irangurwa, mu gihe c\u2019irangurwa n\u2019inyuma y\u2019ishirwa mu ngiro ryayo.<\/em> \u00bb Ivyo rero biba mu ntumbero yo kubafasha gushinga imigambi yabo, kuyikurikirana mu gihe iriko irarangurwa, no gusuzuma iyo migambi yarangutse neza, hanyuma bakagirako biga ibijanye n\u2019ivyokorwa vyotuma iyo migambi iramba.<\/p>\n\n\n\n

Kubwa ivyo, \u201cFIGA\u201d kizokorana n\u2019ibigo nka \u201cAPI\u201d, \u201cBBIN\u201d n\u2019izindi mu ntumbero yo kwigisha no gukarihiriza ubwenge urwaruka n\u2019abakenyezi bo mu ntara zitandukanye z\u2019igihugu c\u2019Uburundi nk\u2019uko bivugwa na Olga Nyampundu.<\/strong><\/p>\n\n\n\n

Ikigega FIGA gifise ingurane iriko irakoreshwa mu migambi y\u2019urwaruka biciye mw\u2019ibanki BIJE ingana 2.340.000.000Fbu. Harategekanijwe kandi ibahasha y\u2019umutekero w\u2019amafranga angana n\u2019imiriyaridi 3 z\u2019amarundi azofasha gushigikira amakoperative n\u2019amashirahamwe y\u2019abakenyezi biciye mw\u2019ibanki yo gushigikira imigambi y\u2019iterambere ry\u2019abakenyezi (BIDF: Banque d\u2019Investissement et de D\u00e9veloppement pour les Femmes) ikirindiye gutanguza ibikorwa. Ariko uburyo bwayo buracari buke ugereranije n\u2019ababurondera.<\/p>\n","protected":false},"excerpt":{"rendered":"

Iki, gitwarwa mu Bushikiranganji bw\u2019Ubutunzi, gifise inzego zibiri ari zo : inama nyobozi yashizweho ku wa 21 Mukakaro 2021 hamwe n\u2019igisata kijejwe itunganywa kigizwe n\u2019umuyobozi hamwe n\u2019abakozi bafashanya. Mbega FIGA kigiye gufasha iki koko ? Umuco Ikigega co gushigikira no guherekeza imigambi y\u2019urwaruka \u201cFIGA\u201d caramaze kwemerera guha uburyo bungana n\u2019amafaranga y\u2019amarundi 61.500.000 amakoperative 8 y\u2019urwaruka […]<\/p>\n","protected":false},"author":42,"featured_media":6886,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[208],"tags":[534,438],"coauthors":[535],"class_list":["post-6885","post","type-post","status-publish","format-standard","has-post-thumbnail","hentry","category-gupagasa","tag-bije","tag-urwaruka"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/6885","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/42"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=6885"}],"version-history":[{"count":2,"href":"https:\/\/www.jimberemag.org\/amayagwa\/wp-json\/wp\/v2\/posts\/6885\/revisions"}],"predecessor-version":[{"id":6889,"href":"https:\/\/www.jimberemag.org\/amayagwa\/wp-json\/wp\/v2\/posts\/6885\/revisions\/6889"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/6886"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=6885"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=6885"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=6885"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=6885"}],"curies":[{"name":"wp","href":"https:\/\/api.w.org\/{rel}","templated":true}]}}