{"id":6488,"date":"2021-08-18T11:47:00","date_gmt":"2021-08-18T09:47:00","guid":{"rendered":"https:\/\/www.jimbere.org\/amayagwa\/?p=6488"},"modified":"2021-08-20T12:25:54","modified_gmt":"2021-08-20T10:25:54","slug":"ikigo-humura-gitega-cordaid-burundi","status":"publish","type":"post","link":"https:\/\/www.jimberemag.org\/amayagwa\/ikigo-humura-gitega-cordaid-burundi\/","title":{"rendered":"Gushigikira ikigo Humura giseruka ku bakozweko n\u2019amabi afatiye ku gitsina"},"content":{"rendered":"\n
\"\"
Ubushikiranganji bwo gushigikirana, imibano, agateka ka zina muntu n\u2019iterambere ridakumira buzoshigikira ikigo Humura mu gufasha abakozweko n\u2019amabi afatiye ku gitsina<\/strong><\/figcaption><\/figure>\n\n\n\n

Mu gihe hahimbazwa umunsi mukuru w\u2019igihugu wahariwe ugushigikirana, umugambi \u00ab\u00a0Twiteho Amagara\u00a0\u00bb w’ishirahamwe Cordaid ufashwe mu mugongo n’ishirahamwe ry’ubumwe bwa Buraya, washikirije kuri uwu wa 6 Myandagaro 2021 ingabire y’ibikoresho umushikirangani arongoye Ubushikiranganji bwo gushigikirana, imibano, agateka ka zina muntu n\u2019iterambere ridakumira. Iyo ngabire ikazofasha ikigo Humura c’i Gitega mu gutunganiriza abacitura bahuye canke bakozweko n\u2019amabi afatiye ku gitsina. Iyo ngabire ikaba iciye amafaranga y’amarundi angana na 149.603.700 Fbu<\/strong><\/p>\n\n\n\n

Iyo ngabire igizwe n’ibikoresho bijanye no kwakirirako abacituye. Ivyo na vyo akaba ari intebe za \u00ab plastiques \u00bb 120, amameza ya \u00ab plastiques \u00bb 50, intebe zo mu biro 6 n’amameza yo mu biro 2. Hatanzwe ibikoresho nyabwonko bigizwe na \u00ab ordinateurs \u00bb 4 (3 zo mu biro, n’imwe ngendanwa) na \u00ab imprimantes \u00bb 2. Imiti itandukanye yo kuvura abakorewe amabi, n\u2019ibikoresho vya minsi yose vyo mu biro.<\/p>\n\n\n\n

Umugambi \u00ab\u00a0Twiteho Amagara\u00a0\u00bb wanaronkeje ico kigo ibikoresho bitandukanye bigizwe n’indya ari vyo: amatoni 4 y’umuceri, amatoni 4 y’ibiharage, amatoni 4 y’intete z’ibigori, amatoni 4 y’ifu y’ibigori, amaritiro 1250 y’amamesa, amaritiro 1250 y’amavuta y’amakoto, hamwe n’ibindi bikoresho bigizwe n’amasorori 400, imyambaro y’ibitenge 500, uburengeti 250, amakarato y’amasabuni yo kumesa 200, udupaki tw’udutambara dukoreshwa mu bihe vy’ubutinyanka 3000, ibikombe vyo kunywa amazi vya \u00ab\u00a0plastiques\u00a0\u00bb 400 n’amabasi 400. Vyose bikaba biciye amafaranga y’amarundi 149.603.700Fbu.<\/p>\n\n\n\n

Ivyo bikoresho vyose vyiyongeye ku modoka Cordaid yaronkeje ikigo Humura kugira gishobore gushikira abakozweko n’amabi afatiye ku gitsina hamwe no gukurikirana igikorwa ico kigo cashinzwe.<\/p>\n\n\n\n

<\/a> Abashikirijwe ingabire bakengurutse<\/strong><\/p>\n\n\n\n

Umushikiranganji wo Gushigikirana, Imibano, Agateka ka zina muntu n’Iterambere ridakumira yari yitavye ivyo birori akaba ari nawe yashikirijwe iyo ngabire, yashimiye ishirahamwe Cordaid ku bufasha yatanze ku kigo Humura c’i Gitega, mbere aca agirako avuga ko ico kigo cari carerekanye ko gisanzwe gifise ubukene bw’ibikoresho kugira gishibore gufasha neza abacitura. Ariko kandi yasavye ko abantu bose bokwubahuka bagashengeza abakora ayo mabi kuko intumbero ihari atari iyuko bokwama bafasha abantu bahuye n\u2019amabi afatiye ku gitsina, ahubwo nyabuna ko uwo muco mubi woranduranwa n\u2019imizi, ntihasubire kuvugwa amabi afatiye ku gitsina. Agira ati\u00a0:\u00a0\u00ab\u00a0Dushaka ko ubu buryo buriko burakoreshwa muri iki gisata buheza bugafasha no mu bindi bisata vyo guteza imbere abafise amikoro make.\u00a0\u00bb<\/em><\/p>\n\n\n\n

\n
Irondoka rijanye n\u2019amagara meza mu rwaruka n\u2019amabi ashingiye ku gitsina, bitwigisha iki?<\/a><\/blockquote>