{"id":6013,"date":"2021-01-19T13:09:07","date_gmt":"2021-01-19T12:09:07","guid":{"rendered":"https:\/\/www.jimbere.org\/amayagwa\/?p=6013"},"modified":"2023-08-15T11:49:55","modified_gmt":"2023-08-15T09:49:55","slug":"ugukotesha-abana-basabiriza-mwibarabara-ingendo-kugwanya-burundi","status":"publish","type":"post","link":"https:\/\/www.jimberemag.org\/amayagwa\/ugukotesha-abana-basabiriza-mwibarabara-ingendo-kugwanya-burundi\/","title":{"rendered":"Ugukotesha abana basabiriza mw’ibarabara, ingendo yo kugwanya"},"content":{"rendered":"\n

Si agaseseshwarumuri, iyo ngendo ngo itunze abatari bake, babeshejweho n’akuya k’abana birigwa barasabiriza mw’ibaraba. Kandi ngo akanoti koba kaboneka.<\/strong><\/p>\n\n\n\n

Iyo bavuze abana bo mw’ibaraba, nkuko bimenyeshwa na Christine Ntahe \u00ab Maman dimanche \u00bb<\/em> akaba umuvyeyi w’abana batari bake bo mw’ibarabara, ngo bari ubwoko bubiri. Hari abasanzwe bibera mur’iryo barabara, bakarara musi y’ibiraro, mu bizu vyabomotse, canke bakirarira hanze imbere y’amazu ya barundi, hakaba n’uwundi mugwi w’abirigwa muri iryo barabara hanyuma bwije bagataha. Uwo mugwi wa kabiri rero ngo ni wo urimwo abo bana bakoteshwa, bakaja gusabiriza.<\/p>\n\n\n\n

Turakunze guhura n’abo kenshi iyo turiko turarengana haba mw’ibarabara canke ahandi hose. Ijambo bakunze gukoresha iyo bariko barasabiriza ni \u00ab\u00a0Mpa ijana ngure agatumbura ndashonje\u00a0\u00bb.<\/p>\n\n\n\n

Ariko burya iyo ugumije akajisho kuri mwen’abo bana, ubona bashira amahera baronse uwundi muntu akuze.<\/p>\n\n\n\n

Uwu nawe araheza akabahemba inticantikize, mbere hari n’aho ata co abaha. <\/p>\n\n\n\n

???? BIRIKO BIBA TURORERA: ingeso mu gisagara ca #Bujumbura aho hari abasigaye bakodesha abagendana ubumuga bakabazana…<\/p>Publi\u00e9e par JimbereMagazine<\/a> sur Mercredi 4 novembre 2020<\/a><\/blockquote><\/div>\n\n\n\n

Chadrack Irakoze, umwana w’imyaka 8, aba ku Buterere i Bujumbura, atuyagira ko ubwo buzima abumazemwo imyaka ibiri: \u00abIwacu aho mvuka ni mu Kayanza i Kabarore. Namanutse i Bujumbura mpunze muka data kuko yari yaramboreje igufa kubera inkoni nyinshi, bimaze kundenga nca nja kumurwa mukuru w\u2019intara ya Kayanza, nenena ku kiduga kimanutse, gushika i Bujumbura. <\/em>Sinagira aho nshikira, nta ncuti, nta mugenzi. Ico gisagara mubona caramize ndabura iyonja n’iyomva<\/em>.\u00bb<\/p>\n\n\n\n

Ico yita amakiriro, Chadrack yakironse ku Buterere, amaze kurara kabiri mw’ibarabara, inzara izura inzara igomba imwice. \u00abBarandangiye ko ku Buterere hoba hari abagiraneza bakunze gufasha abana bo mw’ibarabara. Maze kujayo, barandangiye umuntu yomfasha, akampa indaro, imfungurwa, mugabo akampa igikorwa ntegerezwa kurangura:Gusabiriza mw’ibarabara, nkamuzanira akanoti, akampamwo make.\u00bb<\/p>\n\n\n\n

Chadrack we abibona mwo itombora rikomeye. \u00abNdazinduka cane, mu bucagucagu mba nshitse mu gisagara hagati. Nta ho mfise nguma kugira nsabirize, nguma ntembera. Hari igihe ndonka agatubutse, n’igihe mbura. Ayo ndonse yose ndamushira iyo ntashe, nawe akampa igihumbi, akangaburira, akampa n’aho ndryama, Kuri jewe mbona ko natomboye cane. Hari benshi bipfuza aho bokika umusaya mugabo ntibaharonke<\/em>\u00bb<\/p>\n\n\n\n

\n
Agateka k’abana : n’igiki kimaze gukorwa inyuma y’imyaka 30 …<\/a><\/blockquote>