{"id":5875,"date":"2020-12-22T16:15:52","date_gmt":"2020-12-22T15:15:52","guid":{"rendered":"https:\/\/www.jimbere.org\/amayagwa\/?p=5875"},"modified":"2020-12-22T16:38:43","modified_gmt":"2020-12-22T15:38:43","slug":"cipd25-soko-amahangiro-umwizero-amagara-meza-urwaruka-fnuap-burundi","status":"publish","type":"post","link":"https:\/\/www.jimberemag.org\/amayagwa\/cipd25-soko-amahangiro-umwizero-amagara-meza-urwaruka-fnuap-burundi\/","title":{"rendered":"CIPD25, soko y\u2019amahangiro n\u2019umwizero w\u2019amagara meza ku rwaruka\u00a0: isabukuru ya mbere mu Burundi"},"content":{"rendered":"\n<p><strong>Kuva ku wa 14 gushika ku wa 15 Kigarama 2020, umugwi w\u2019amashirahamwe y\u2019urwaruka yaserukiwe mw\u2019ikoraniro ridasanzwe CIPD25, ryahuje ibihugu bitandukanye i Nairobi, ku magenekerezo ya 12-14 Munyonyo 2019, waratunganije uruganda, mu ntumbero yo gusabikanya ivyakuwe mw\u2019iryo koraniro vyerekeye irondoka rijanye n\u2019amagara meza, guhimbazanya isabukuru ya mbere ndetse no kurabira hamwe aho urwo rwaruka rugejeje ishirwa mu ngiro ry\u2019ivyo rwiyemeje n\u2019ivyo rworangura mu mwaka wa 2021.<\/strong><\/p>\n\n\n\n<p>Amashirahamwe Global Peace Chain Burundi, Ajap, World Future Active, ABUBEF, REJADH, FAPHB, na Youth Impact Mission ni yo yari yatunganije iryo sabukuru, i Bujumbura, kuri Zion Beach H\u00f4tel afashwe mu mugongo na FNUAP-Burundi. Wari umunezero udasanzwe ku rwaruka rwari rwitavye muri iryo sabukuru kuko rwaharonkeye inyigisho zijanye n\u2019ingaruka z\u2019igwirirana ry\u2019abantu ku butunzi n\u2019ukubaho neza kw\u2019imiryango, eka rurisanzura no mu kubaza ibibazo bitandukanye rirubakiye kuvyerekeye irondoka rijanye n\u2019amagara meza.<\/p>\n\n\n\n<p><strong>Bimwe mu vyiyemejwe n\u2019urwaruka mw\u2019ikoraniro ryabereye mu gihugu ca Kenya<\/strong><\/p>\n\n\n\n<p>Nk\u2019uko vyashikirijwe na Dr. Richmond Tiemoko, aserukira ishirahamwe FNUAP mu Burundi, ihuriro ryabereye muri Kenya ryakaburiye urwaruka kurangura ibikorwa bitari bike. Bimwe muri vyo rwiyemeje ni kugwanira agateka k\u2019abakenyezi n\u2019ukugwanya ikumirwa rikorerwa abakenyezi mu gihe c\u2019amahitamwo, guharanira uburenganzira bwo gukoroza imbanyi mu gihe ubuzima bw\u2019umuvyeyi bubangamiwe, guhimiriza abanyagihugu ku vyerekeye akamaro ko kuvyara ku rugero.<\/p>\n\n\n\n<p>Didier Ndamukunda, umuyobozi w\u2019ishirahamwe World Future Active, yamenyesheje ko mu vyo urwo rwaruka rwiyemeje harimwo gusaba ko mu Burundi hoshingwa itegeko ritomora neza rikongera rigakingira ibijanye n\u2019irondoka rijanye n\u2019amagara meza, gutunganya ibikorwa vy\u2019inkino bihuza urwaruka n\u2019imiyabaga kugira ngo bikunde ruhanahane ivyiyumviro vyerekeye irondoka rijanye n\u2019amagara meza babifashijwemwo n\u2019ababifisemwo ubumenyi bukwiye kugira ngo baronke inkuru zo maze bifatire ingingo zirashe.<\/p>\n\n\n\n<p><strong>None hoba hari inzitizi zigaragara urwaruka ruhura na zo&nbsp;?<\/strong><\/p>\n\n\n\n<p>Urwo rwaruka rugira ruti&nbsp;:&nbsp;<em>\u00ab&nbsp;Uwipfuje kuja kurondera uburyo bwo kwikingira gutwara imbanyi itipfujwe bisabwa ko agenda abundabunda kuko ikibano kitamutahura. Amashengero menshi yigisha ko uwukoresheje ubwo buryo aba acumuye, ivyo bigatuma urwaruka rutari ruke rubura amahitamwo. Hari n\u2019abaganga ubituye ubabwira ko ukeneye kwikingira batagutahura. Ubumenyi ku bijanye n\u2019irondoka rijanye n\u2019amagara meza ntiburakwiragira hose.<\/em>&nbsp;\u00bb Bagasaba ko nyabuna hokwiragizwa inyigisho mu barongoye ivyo bisata vyose kugira ngo ihangiro ryo gushikira inda zitipfujwe ubusa rishikweko.<\/p>\n\n\n\n<p>Urwaruka rw\u2019abagendana ubumuga bwo kutumva no kutavuga rwari rwitavye muri iryo sabukuru rwarashimishijwe cane no kuba rwariyumviriweko, rugatumirwa. Abicishije kuri Micheline asobanura ururimi rw\u2019ibimenyetso, Marie Ange Bugoma aserukira ishirahamwe ry\u2019abaragi ANESB, yagize ati&nbsp;:&nbsp;\u00ab <em>Ndanezerejwe cane n\u2019ukuba twariyumviriweko, vyerekana ko natwe turiko turahabwa ikibanza mu rundi rwaruka rw\u2019abigeme kuko burya nubwo bidakunda ko tuvuga natwe turakenera kuronka inyigisho zerekeye irondoka rijanye n\u2019amagara meza. Ni abigeme benshi bafise ubumuga bwo kutumva no kutavuga bavyariye iwabo kuko bahenzwe bakora imibonano mpuzabitsina batikingiye. Ariko rero hamwe twobandanya dutumirwa nubwo twacerewe, hoba akarusho<\/em>.\u00bb<\/p>\n\n\n\n<p>Kubwa Patrick Ndihokubwayo na we nyene afise ubumuga bwo kutumva no kutavuga, ngo birakwiye ko ku mavuriro haba hariho n\u2019ibiburiburi umuntu umwe ashobora kuba azi ururimi rw\u2019ibimenyetso kugira ngo bituwe n\u2019uwufise ubwo bumuga bikunde bamuronse uburyo bwo kwikingira bamumenyeshe n\u2019ingene yobukoresha.<\/p>\n\n\n\n<p>Dr. Richmond Tiemoko akaba yarakengurukiye cane urwaruka ingene rwafashe nkama ivyavuye mw\u2019ikoraniro ryabereye muri Kenya rukaba rukibigendera. Yagize ati&nbsp;: \u00ab&nbsp;<em>Ihangiro rya FNUAP ni uko urwaruka rwobaho neza, kuva mu buyabaga rugashika mu busaza rufise amagara meza, rugishobora gukora. Ni na co gituma hari intumbero yo guhamvya ubusa 3, aho gushika mu mwaka wa 2030 ata n\u2019umwe yoba agihitanwa n\u2019imbanyi mu gihe bishoboka gukinga urwo rupfu, aho ata woba yipfuza gushika kurondoka ku rugero ngo abure uko yikingira, ata n\u2019amabi afatiye ku gitsina yoba akiharangwa. Ni na co gituma tutazohengeshanya gushigikira bene ibi bikorwa. \u00bb<\/em><\/p>\n","protected":false},"excerpt":{"rendered":"<p>Kuva ku wa 14 gushika ku wa 15 Kigarama 2020, umugwi w\u2019amashirahamwe y\u2019urwaruka yaserukiwe mw\u2019ikoraniro ridasanzwe CIPD25, ryahuje ibihugu bitandukanye i Nairobi, ku magenekerezo ya 12-14 Munyonyo 2019, waratunganije uruganda, mu ntumbero yo gusabikanya ivyakuwe mw\u2019iryo koraniro vyerekeye irondoka rijanye n\u2019amagara meza, guhimbazanya isabukuru ya mbere ndetse no kurabira hamwe aho urwo rwaruka rugejeje ishirwa [&hellip;]<\/p>\n","protected":false},"author":3,"featured_media":5876,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[258],"tags":[470,438],"coauthors":[34],"class_list":["post-5875","post","type-post","status-publish","format-standard","has-post-thumbnail","hentry","category-itorokanirizo-ryuruganda-rwa-jimbere","tag-cipd25","tag-urwaruka"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/5875","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/3"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=5875"}],"version-history":[{"count":3,"href":"https:\/\/www.jimberemag.org\/amayagwa\/wp-json\/wp\/v2\/posts\/5875\/revisions"}],"predecessor-version":[{"id":5879,"href":"https:\/\/www.jimberemag.org\/amayagwa\/wp-json\/wp\/v2\/posts\/5875\/revisions\/5879"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/5876"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=5875"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=5875"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=5875"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=5875"}],"curies":[{"name":"wp","href":"https:\/\/api.w.org\/{rel}","templated":true}]}}