{"id":5745,"date":"2020-11-10T15:23:09","date_gmt":"2020-11-10T14:23:09","guid":{"rendered":"https:\/\/www.jimbere.org\/amayagwa\/?p=5745"},"modified":"2023-07-02T23:54:57","modified_gmt":"2023-07-02T21:54:57","slug":"paifarb-umugambi-ufasha-abarimyi-ingurane-ubworozi-burundi","status":"publish","type":"post","link":"https:\/\/www.jimberemag.org\/amayagwa\/paifarb-umugambi-ufasha-abarimyi-ingurane-ubworozi-burundi\/","title":{"rendered":"PAIFAR-B, umugambi ufasha abarimyi gushikira ingurane zitavuna"},"content":{"rendered":"\n<ul class=\"wp-block-list\"><li><strong>Umugambi wa Reta PAIFAR-B ufashwe mu mugongo n\u2019ikigega mpuzamakungu citaho iterambere ry\u2019uburimyi FIDA uje ari inyishu ku bantu b&rsquo;abakene ruhebwa.<\/strong><\/li><li><strong>Uyu mugambi ubaronsa imbuto zitandukanye zo gutera mu mirima, ukabafashisha amafaranga angana n\u2019ibihumbi mirongindwi na bitanu vy\u2019amarundi (75.000 Fbu) buri kwezi yo kwitunganiriza imigambi mitomito, ukaba ugiye no kubaronsa ibitungwa bitobito nk\u2019impene, ingurube, \u2026&nbsp;<\/strong><\/li><li><strong>Uranafasha n\u2019abahurikiye mu makoperative gushikira ingurane itavuna. Izo mbuto zikaba zitangwa muri ikigihe havurwa ikiza ca Covid-19 hamwe n&rsquo;ihindagurika ry\u2019ibihe.<\/strong><\/li><\/ul>\n\n\n\n<p>Kw\u2019igenekerezo rya 5 Munyonyo 2020, umugambi PAIFAR-B waratanze imbuto zingana n\u2019amatoni 6 y\u2019ibiharage hamwe n\u2019amatoni 6 y\u2019ibiraya ku ngo zikenye cane zo muri komine Rugazi na Musigati mu ntara ya Bubanza. J\u00e9r\u00f4me Bazirutwabo, umugabo w\u2019abana 4, ari mu bafashwa na PAIFAR-B, avuga ko asanzwe abayeho mu buzima bubi cane, ubonako anava mu muryango w\u2019abatwa bo muri komine Rugazi.<\/p>\n\n\n\n<p>Ariko ubu biciye kuri PAIFAR-B, umunezero ni wose kuko aheruka kwugururizwa konte muri kopeke atangiwe amafaranga ibihumbi cumi vy\u2019amarundi 10.000Fbu, aca anaronswa amafaranga angana n\u2019ibihumbi mirongitandatu na bitanu vy\u2019amarundi (65. 000Fbu). Kandi ngo agiye kuza arafashishwa amafaranga angana n\u2019ibihumbi mirongwindwi na bitanu vy\u2019amarundi 75. 000Fbu buri kwezi yo kwitunganiriza imigambi mitomito izomufasha kuva mu bukene.<\/p>\n\n\n\n<p>Agira ati: \u00ab <em>Mu mahera babanje kuduha, naciye ndanguramwo amakara ndandaza. Ubu ndaronka inyugu n\u2019umutahe nkawugumana. Kera bahora bavuga ngo umutwa ntatunga kubera ubunebwe bwiwe, rero ubu twarigishijwe ko uwukoze atunga. Jewe, ko ndose akaryo keza ko gusimba, ngire nsimbire kure biciye mu gushira mu ngiro inyigisho mpabwa na PAIFAR-B. Uwu mugambi uje ari inyishu ku bakene ruhebwa\u00bb<\/em>. Anavuga ko ukwezi nikwahera bakabaha 75000Fbu, yateguye ko hampande y\u2019amakara adandaza, azoca akotesha imirima, arime, ayasigaye arangure irengarenga n\u2019imisigati aronderere mu tuntu twinshi dushoboka. Akizera ko mu mwanya muto, azoba ari umutunzi, abana bige baminuze, maze na we yigurire imoto, gutyo amere nk\u2019abandi.<\/p>\n\n\n\n<p>Na Nahimana Jeannette, umupfakazi yireranye abana, arishimira ko PAIFAR-B ije kumukura habi. Uyu avuga ko ubuzima bwiwe bwarangwa n\u2019amarira kubera yafungura rimwe ku munsi nahonyene arinze guca ingero. Ngo yararima ntatere kubera kubura imbuto. Ariko ubu, akamwemwe asigaye afise gaserukira ku munwa.<\/p>\n\n\n\n<p>Avuga ko uwo mugambi w\u2019igihugu, wamuronkeje imbuto y\u2019ibijumbu aratera. Amahera yaronse ahejeje kwugururizwa konte muri kopeke akaba yaciye ayaranguza ibitoke. Aragana agashora urwarwa, akunguka n\u2019agahwi akarya. Imbuto z\u2019ibiharage, ibiraya, n\u2019ibigori yaronse avuga ko aca aja kuzitera mu kurindira ko atangura ubworozi bw\u2019ibitungwa bitobito gushika no ku nka, gutyo uburimyi bwiwe bujane n\u2019ubworozi, ukwenga inzoga y\u2019ibitoke bidasigaye inyuma.<\/p>\n\n\n\n<figure class=\"wp-block-image size-large\"><img loading=\"lazy\" decoding=\"async\" width=\"1024\" height=\"683\" src=\"https:\/\/www.jimberemag.org\/amayagwa\/wp-content\/uploads\/2020\/11\/2-3-1024x683.jpg\" alt=\"\" class=\"wp-image-5747\" srcset=\"https:\/\/www.jimberemag.org\/amayagwa\/wp-content\/uploads\/2020\/11\/2-3-1024x683.jpg 1024w, https:\/\/www.jimberemag.org\/amayagwa\/wp-content\/uploads\/2020\/11\/2-3-300x200.jpg 300w, https:\/\/www.jimberemag.org\/amayagwa\/wp-content\/uploads\/2020\/11\/2-3-768x512.jpg 768w, https:\/\/www.jimberemag.org\/amayagwa\/wp-content\/uploads\/2020\/11\/2-3-1536x1024.jpg 1536w, https:\/\/www.jimberemag.org\/amayagwa\/wp-content\/uploads\/2020\/11\/2-3-scaled.jpg 2048w\" sizes=\"auto, (max-width: 1024px) 100vw, 1024px\" \/><\/figure>\n\n\n\n<p><strong>Na bahurikiye mu makoperative barihaya umugambi PAIFAR-B<\/strong><\/p>\n\n\n\n<p>Mu ntara umugambi PAIFAR-B ukoreramwo, warahaye inyigisho amakoperative y\u2019ingene yokwitunganya neza kugira ashike ku mahangiro yo kwiteza imbere. Uranayafasha kuronka ingurane vyoroshe uyahuje n\u2019amashirahamwe yo kuziganya no kuguranana. Ildephonse Nahimbazwe, umunyamabanga wa Koperative Terimbere Mpanda iri mu ntara ya Bubanza, avuga ko ivyiza umugambi wa PAIFAR-B umaze kubagezako ari vyo kwishimira.<\/p>\n\n\n\n<p>Ubwa mbere ngo vyarabagora kuronka ingurane y\u2019uburimyi, ariko ubu, biciye mw\u2019ishirahamwe ryo kuziganya no kuguranana Twitezimbere, baronse ingurane y\u2019imiriyoni mirongo umunani z\u2019amarundi (80.000.000Fbu) bakaba barihishwa inyungu ya 8%. Iyo ngurane ikaba yarafashije abahurikiye muri iyo koperative kurangura ibikorwa vyabo neza kandi na koperative iguma itera ija imbere. Iyo koperative Terimbere Mpanda igizwe n\u2019abanywanyi 225 harimwo imiyabaga n\u2019abakenyezi 151. Benshi bakaba ari abarimyi n\u2019abadandaza umwimbu w\u2019umuceri.<\/p>\n\n\n\n<p>Dusengimana Th\u00e9oneste arongoye koperative Ihangiro yo muri komine Mpanda mu ntara ya Bubanza avuga ko umugambi wa PAIFAR-B bawungukiyemwo ubuhinga bwinshi. Agira ati: \u00ab<em> Twararonse inyigisho zijanye no gutunganya ivy\u2019ubutunzi, ingene dushobora gushora ivyimburwa twimbuye no kubibika neza mu bubiko bwiza bwa koperative. Twarigishijwe ingene dushobora gusaba ingurane kugira abanywanyi ba koperative bashobore kwiyungunganya. <\/em>\u00bb Th\u00e9oneste amenyesha ko batanguye bafise itoni 20 z\u2019umuceri abanywanyi bimbuye baregeranya.<\/p>\n\n\n\n<p>Hama biciye ku ngurane y\u2019amafaranga imiriyoni mirongumunani y\u2019amarundi (80.000.000Fbu) baronkejwe muri Twitezimbere, baciye bakoresha imiriyoni mirongo ine na zitandatu z\u2019amarundi (46.000.000Fbu) kubera umuceri waciye uhera. Ubu bakaba bari bafise itoni zababa 59.&nbsp; Ikiro c\u2019umuceri bakigura 800 Fbu, ubu bakaba bariko bawusohora ku gihumbi (1.000Fbu) canke igihumbi natanu (1.050Fbu). Iyo koperative irimwo abanywanyi 155 b\u2019abarimyi n\u2019abadandaji b\u2019umuceri.<\/p>\n\n\n\n<p>Anitha Nininahazwe arongoye koperative Rwiz\u2019umuceri- Nyakagunda irangwa n\u2019icivugo kigira giti: \u201cTurwany\u2019umugwazo, duterimbere twese\u201d na we nyene arishimira uwo mugambi. Uwu muyobozi avuga ko kuva batanguye gukorana n\u2019umugambi wa PAIFAR-B, wabafashije kuronka ingurane y\u2019uburimyi y\u2019imiriyoni mirongo ibiri y\u2019amarundi (20.000.000Fbu) yabafashije kurangura ibikorwa bijanye n\u2019uburimyi. Kandi ngo bararanguye umuceri mu kero kawo ku 1.500Fbu ku kiro, ubu bakaba bariko bawusubiza ku 1.700 canke 1.800Fbu ku kiro. Anitha agahamagarira abantu bose bari mu makomine uwo mugambi uranguriramwo ibikorwa kwijukira kuja mu ma koperative, maze na bo bakungukira ku bufasha n\u2019inyigisho z\u2019umugambi wa PAIFAR-B.<\/p>\n\n\n\n<figure class=\"wp-block-image size-large\"><img loading=\"lazy\" decoding=\"async\" width=\"1024\" height=\"683\" src=\"https:\/\/www.jimberemag.org\/amayagwa\/wp-content\/uploads\/2020\/11\/1-4-1024x683.jpg\" alt=\"\" class=\"wp-image-5748\" srcset=\"https:\/\/www.jimberemag.org\/amayagwa\/wp-content\/uploads\/2020\/11\/1-4-1024x683.jpg 1024w, https:\/\/www.jimberemag.org\/amayagwa\/wp-content\/uploads\/2020\/11\/1-4-300x200.jpg 300w, https:\/\/www.jimberemag.org\/amayagwa\/wp-content\/uploads\/2020\/11\/1-4-768x512.jpg 768w, https:\/\/www.jimberemag.org\/amayagwa\/wp-content\/uploads\/2020\/11\/1-4-1536x1024.jpg 1536w, https:\/\/www.jimberemag.org\/amayagwa\/wp-content\/uploads\/2020\/11\/1-4-scaled.jpg 2048w\" sizes=\"auto, (max-width: 1024px) 100vw, 1024px\" \/><\/figure>\n\n\n\n<p><strong>None ni irihe hangiro rya PAIFAR-B ?<\/strong><\/p>\n\n\n\n<p>Umugambi w\u2019igihugu PAIFAR-B ufise intumbero yo gufasha kugwiza amikoro mu benegihugu bakenye cane no kubafasha kuronka ingurane zitavuna, akabirya mw\u2019iterambere ridakumira kugira bashobore kwigishwa no kwirangurira imigambi mitomito.<\/p>\n\n\n\n<p>M\u00e9lance Ntirampeba ajejwe gukurikirana no gusuzuma ingene ibikorwa vy\u2019uwo mugambi biriko birarangurwa ku rwego rw\u2019igihugu, avuga ko umugambi PAIFAR-B uzoshikira ingo zose hamwe 99.200. Harimwo ingo 5.000 zikenye cane zitagira ico zitanga nk\u2019ingwati mu gusaba ingurane, ingo 6.000 z\u2019urwaruka rwo mu mitumba, ingo 9000 z\u2019abantu bari mu mashirahamwe y\u2019ubwishingiranizi (groupe de caution solidaire), ingo 60.000 ziri mu makoperative yo kugwiza umuceri hamwe n\u2019ingo 19.200 ziri mu mashirahamwe yo kugwiza umwimbu w\u2019amata.<\/p>\n\n\n\n<p>Ntirampeba amenyesha ko izo ngo 5000 zikenye cane ziri mu mugwi bita MASI (M\u00e9canisme d\u2019Accompagnement et de Soutien Inclusif) zizoshigikirwa kandi zigafashwa kuva mu bukene. Abo rero bakaba batowe mu ntara 5 ari zo: Bubanza, Kayanza, Gitega, Cankuzo na Rutana. Muri izo ngo, zirimwo abagore 2.423, abagabo 2.577; murabo harimwo urwaruka rungana 1.777 hamwe n\u2019abatwa 412.&nbsp; Izi ngo ziri muri uwu mugwi (MASI) zikaba zifashishwa amafaranga 75.000Fbu buri kwezi, azosahiriza mu kurangura imigambi mitomito. Bazoronka itoni 25 z\u2019imbuto y\u2019ibiraya, itoni 2.000.0000 z\u2019imbuto y\u2019ibijumbu hamwe n\u2019itoni 30 z\u2019imbuto y\u2019ibiharage. Izo ngo zikaba zizokurikiranwa kandi zikigishwa ku bijanye no kuziganya no kuguranana.<\/p>\n\n\n\n<p>Mwomenya rero ko umugambi wa Reta PAIFAR-B watangujwe icese ku wa 14 Nyakanga 2018, ukazomara imyaka 7 kandi ukazokorera mu ntara 14 ari zo: Bubanza, Kayanza, Gitega, Cankuzo, Rutana, Makamba, Rumonge, Cibitoke, Ngozi, Muyinga, Karusi, Muramvya, Bujumbura na Ruyigi, ukazonashika mu makomine 56. Abari muri uwo mugambi, ubwa mbere ni abari basanzwe bafashwa niyindi migambi ifatwa mu mugongo na FIDA kugira bafashwe gushikira ingurane itavuna, gutyo biteze imbere.<\/p>\n","protected":false},"excerpt":{"rendered":"<p>Umugambi wa Reta PAIFAR-B ufashwe mu mugongo n\u2019ikigega mpuzamakungu citaho iterambere ry\u2019uburimyi FIDA uje ari inyishu ku bantu b&rsquo;abakene ruhebwa. Uyu mugambi ubaronsa imbuto zitandukanye zo gutera mu mirima, ukabafashisha amafaranga angana n\u2019ibihumbi mirongindwi na bitanu vy\u2019amarundi (75.000 Fbu) buri kwezi yo kwitunganiriza imigambi mitomito, ukaba ugiye no kubaronsa ibitungwa bitobito nk\u2019impene, ingurube, \u2026&nbsp; Uranafasha [&hellip;]<\/p>\n","protected":false},"author":3,"featured_media":5746,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[215],"tags":[328,440],"coauthors":[34],"class_list":["post-5745","post","type-post","status-publish","format-standard","has-post-thumbnail","hentry","category-uburimyi","tag-uburimyi","tag-ubworozi"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/5745","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/3"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=5745"}],"version-history":[{"count":2,"href":"https:\/\/www.jimberemag.org\/amayagwa\/wp-json\/wp\/v2\/posts\/5745\/revisions"}],"predecessor-version":[{"id":5750,"href":"https:\/\/www.jimberemag.org\/amayagwa\/wp-json\/wp\/v2\/posts\/5745\/revisions\/5750"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/5746"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=5745"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=5745"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=5745"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=5745"}],"curies":[{"name":"wp","href":"https:\/\/api.w.org\/{rel}","templated":true}]}}