{"id":5331,"date":"2020-07-08T18:02:04","date_gmt":"2020-07-08T16:02:04","guid":{"rendered":"https:\/\/www.jimbere.org\/amayagwa\/?p=5331"},"modified":"2023-06-17T20:51:40","modified_gmt":"2023-06-17T18:51:40","slug":"burundi-ubuhinga-kwegeranya-imigwi-ku-kibazo-cindero-yurwaruka-mu-kibano","status":"publish","type":"post","link":"https:\/\/www.jimberemag.org\/amayagwa\/burundi-ubuhinga-kwegeranya-imigwi-ku-kibazo-cindero-yurwaruka-mu-kibano\/","title":{"rendered":"Ubuhinga bwo kwegeranya imigwi itandukanye ku kibazo c\u2019indero y\u2019urwaruka mu kibano"},"content":{"rendered":"\n<ul class=\"wp-block-list\"><li><strong>Kw\u2019igenekerezo rya 17 ni rya 18 Ruheshi 2020, i Bugenyuzi mu ntara ya karusi, ishirahamwe Cordaid, ribicishije mu mugambi Menyumenyeshe, ryaratunganije uruganda rwo kwigira hamwe ubuhinga bwo gukurikirana no guteza imbere indero y\u2019urwaruka mu kibano.<\/strong><\/li><li><strong>Ihangiro rikaba ryari kurabira hamwe imigwi itandukanye, ngo ikorere hamwe, ifise n\u2019ihangiro rimwe ryo gutorera umuti w\u2019 ibibazo bihanze urwaruka mu kibano kuvyerekeye irondoka<\/strong><strong> <\/strong><strong>rijanye n\u2019amagara meza.<\/strong><\/li><\/ul>\n\n\n\n<p>Imbere y\u2019uko ibikorwa vy\u2019ugurura urwo ruganda rw\u2019inyigisho bitangura, warabona ko abavyitavye babirindiranye igishika. Abavyeyi baganirira mu ruhande rwabo, eka n\u2019urwaruka kwari ukwo. Imitumba 5 igize komine Bugenyuzi ari yo Ruharo, Rwimbago, Mugoboka, Rusasa na Kabwira yose yari yaserukiwe na bamwe mu rwaruka, abavyeyi, abajejwe intwaro, abaserukira amashengero, abaserukira amashure n\u2019abaremeshakiyago.<\/p>\n\n\n\n<p>Imbere y\u2019uko ibikorwa vy\u2019ugurura urwo ruganda rw\u2019inyigisho bitangura, warabona ko abavyitavye babirindiranye igishika. Abavyeyi baganirira mu ruhande rwabo, eka n\u2019urwaruka kwari ukwo. Imitumba 5 iri muyigize komine Bugenyuzi ari yo Ruharo, Rwimbogo, Mugoboka, Rusasa na Kabwira yose yari yaserukiwe na bamwe mu rwaruka, abavyeyi, abajejwe intwaro, abaserukira amashengero, abaserukira amashure&nbsp; n\u2019 abserukira ivuriro mugenzi w\u2019urwaruka n\u2019abaremeshakiyago.<\/p>\n\n\n\n<p>Benjamin Nduwumuremyi wo muri Cordaid, yariko arakurikirana uko ubikorwa bigenda, yarafashije mu kwegeranya abantu no kubashira mu migwi imbere yuko ibikorwa nyezina bitangura. Abavyeyi abashira mu mugwi umwe barabana n\u2019urwaruka rwari mu rundi ruhande, maze uyo muhuzabikorwa aca aratanguza ikiganiro aho umuntu wese afise ico ashikiriza yahabwa akanya. Abavyeyi ni bo batanguye kuvuga. Muri ico kiganiro cabahuje kwari ukuvuga uko bamwe n\u2019abandi babona ikibazo c\u2019indero y\u2019urwaruka ku bijanye n\u2019ubuzima ndoragitsina.<\/p>\n\n\n\n<p>Umugabo umwe muri abo bavyeyi afise nk\u2019imyaka 60, n\u2019agashavu kenshi ati&nbsp;: \u00ab<em> Indero y\u2019abana bacu irasize ubwenge. Ingene biyumvira n\u2019ingene bitegurira kazoza kabo ntibidushimisha namba. Bahurumbira ibintu bahendeshwa n\u2019abifise bakibagira ko ar\u2019ivy\u2019akanya gato. Nta kamere yo kwigumya bafise <\/em>\u00bb<em>.<\/em> Umupfasoni yari aho yoba ari nko mu myaka 50 na we ati&nbsp;: \u00ab <em>Ahubwo ibara ryaraguye. Nta ndero na nke bafise. Impanuro zacu bazifata nk\u2019ibitito. <\/em>\u00bb<em>.<\/em><\/p>\n\n\n\n<p>Ruhawe akanya, urwaruka rwemeye ingeso zitabereye abavyeyi baruvugako, ariko rukisigura ruvuga ko biva ku kuba ata biyago biba hagati y\u2019abavyeyi n\u2019abana kandi rutaronka ahantu hemewe kandi hizewe rwohuriramwo atari muhira hotuma rwumva rwisanzuye mu kuvuga akari ku mutima. Emelyne Nshimirimana w\u2019imyaka 20, umukorerabushake mu mugambi Menyumenyeshe agira ati&nbsp;<em>: \u00ab Hamwe novuga ko vyoroshe kuyaga n\u2019abavyeyi ibijanye n\u2019ubuzima ndoragitsina noba mbeshe pe. Hariho ugutinyana hagati y\u2019abana n\u2019abavyeyi, kandi ivyo birumvikana ufatiye ku kuntu ikibano cacu kimeze. Imico n\u2019imigenzo ntitworohereza \u00bb.<\/em><\/p>\n\n\n\n<p>Ku bw\u2019ivyo bibazo vyose vyavuzwe, Nduwumuremyi arahumuriza abari aho. Agira ati&nbsp;: \u00ab<em> Tugiye ahamwe, mu minsi mike gusa, ivyo bibazo vyose ntibizoba bikivugwa. Ni ryo hangiro nyamukuru ry\u2019ibikorwa vyacu, kandi ni na yo mvo y\u2019ibi biganiro vyaduhuje. Tuzova aha dutoreye umuti izo ngorane zose zashikirijwe zishingiye ku ndero y\u2019ubuzima ndoragitsina ku rwaruka kandi inyishu zibereye tuzotora tuzozikwiragiza hose kugira dushike ku kibano ciza, gituje kandi cizewe n\u2019abose <\/em>\u00bb<em>.&nbsp;&nbsp;&nbsp;<\/em><\/p>\n\n\n\n<p><strong>Imigwi itandukanye igizwe n\u2019abaserukira abandi<\/strong><\/p>\n\n\n\n<p>Eric Niyokwizera, umwe mu bari baremesheje ikiyago, akaba anahagarariye umugambi Menyumenyeshe mu ntara ya Karusi na Cankuzo, biciye muri SWAA-Burundi, ikorana na Cordaid muri ako karere, agira ati&nbsp;:\u00ab<em> Ko dukoraniye aha twese, turizera neza ko ikibano cacu gishobora kuba ciza mu gihe twese twogira uruhara mu guteza imbere indero y\u2019urwaruka mu kurwigisha inyifato ibereye ku buzima ndoragitsina. Birakwiye ko urwaruka ruronka amakuru y\u2019inyifato afatiye kw\u2019irondoka rijanye n\u2019amagara meza, ivyo na vyo bikazotuma habaho ikibano ciza, gituje kandi cizewe na bose. Kubw\u2019ivyo, imigwi igizwe n\u2019imboneza ishingwa, izoba ijejwe gukurikirana ingene aberwa n\u2019indero y\u2019urwaruka bariko barashira mu ngiro ivyo biyemeje, kuko bafise ihangiro ry\u2019uko uwo mugambi wobandanya mu ntumbero yo gukingira urwaruka <\/em>\u00bb<em>.<\/em><\/p>\n\n\n\n<p>Rero, ku rutonde rw\u2019 imigwi yashinzwe urwaruka ruri hagati. Hejuru haza abajejwe intwaro bakorana cane n\u2019abajejwe amasengero, abajejwe amashure, abavyeyi hamwe n\u2019abaremeshakiyago. Abo bose rero bakazokorera hamwe bagengwa n\u2019urutonde rumwe rw\u2019ibikorwa bumvikanyeko mu ntumbero yo gutorera hamwe inyishu y\u2019ibibazo bihanze urwaruka mu kibano &nbsp;ku bijanye n\u2019 irondoka rijanye n\u2019 amagara meza.&nbsp;<\/p>\n\n\n\n<p>Mariam Ngezahayo, umuvyeyi akaba n\u2019umwe mu bagize umugwi ukurikirana ibijanye n\u2019indero y\u2019urwaruka ku mutumba avuga ko ubwo buhinga bushasha buzotuma batongera kwikorana bonyene. Ahubwo ko buzofasha imigwi yose yo mu kibano harimwo n\u2019urwaruka gutorera hamwe inyishu z\u2019ibibazo vyibonekeza mu kibano.<\/p>\n\n\n\n<p>Na yo Fran\u00e7ois Ntwari, umukuru w\u2019isengero w\u2019 isengero \u00ab Pentec\u00f4te \u00bb ya Ruyogoro, avuga ko ubwo buryo bushasha buzotuma amasengero akorana n\u2019amavuriro mu kwigisha ibijanye n\u2019ubuzima ndoragitsina ku rwaruka, ico na co kikaba ari ikintu kitari kimenyerewe.<\/p>\n\n\n\n<p>Mwomenya ko umugambi Menyumenyeshe, ufashwe mu mugongo n\u2019ubuserukizi bw\u2019ingoma y\u2019Ubuhorande mu Burundi, ukaba ushirwa mu ngiro n\u2019urunani rw\u2019amashirahamwe&nbsp;: Cordaid, Care International, UNFPA na Rutgers. Mu Burundi, Cordaid ikaba irangurira uwo mugambi mu ntara 8 arizo&nbsp;:&nbsp; Karusi, Cankuzo, Mwaro, Muramvya, Rutana, Bururi, Makamba na Rumonge.<\/p>\n","protected":false},"excerpt":{"rendered":"<p>Kw\u2019igenekerezo rya 17 ni rya 18 Ruheshi 2020, i Bugenyuzi mu ntara ya karusi, ishirahamwe Cordaid, ribicishije mu mugambi Menyumenyeshe, ryaratunganije uruganda rwo kwigira hamwe ubuhinga bwo gukurikirana no guteza imbere indero y\u2019urwaruka mu kibano. Ihangiro rikaba ryari kurabira hamwe imigwi itandukanye, ngo ikorere hamwe, ifise n\u2019ihangiro rimwe ryo gutorera umuti w\u2019 ibibazo bihanze urwaruka [&hellip;]<\/p>\n","protected":false},"author":3,"featured_media":5341,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[205],"tags":[293],"coauthors":[34],"class_list":["post-5331","post","type-post","status-publish","format-standard","has-post-thumbnail","hentry","category-indero","tag-menyumenyeshe"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/5331","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/3"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=5331"}],"version-history":[{"count":1,"href":"https:\/\/www.jimberemag.org\/amayagwa\/wp-json\/wp\/v2\/posts\/5331\/revisions"}],"predecessor-version":[{"id":5332,"href":"https:\/\/www.jimberemag.org\/amayagwa\/wp-json\/wp\/v2\/posts\/5331\/revisions\/5332"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/5341"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=5331"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=5331"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=5331"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=5331"}],"curies":[{"name":"wp","href":"https:\/\/api.w.org\/{rel}","templated":true}]}}