{"id":5113,"date":"2020-05-06T15:56:30","date_gmt":"2020-05-06T13:56:30","guid":{"rendered":"https:\/\/www.jimbere.org\/amayagwa\/?p=5113"},"modified":"2020-05-09T14:28:01","modified_gmt":"2020-05-09T12:28:01","slug":"burundi-sage-femme-amagara-oms-abakenyezi","status":"publish","type":"post","link":"https:\/\/www.jimberemag.org\/amayagwa\/burundi-sage-femme-amagara-oms-abakenyezi\/","title":{"rendered":"Mu Burundi, umu Sage-Femme umwe afasha abakenyezi 27 080, OMS isaba kutarenza 5000"},"content":{"rendered":"\n

Igenekerezo rya 05 Rusama uko umwaka utashe, ni umunsi mpuzamakungu wahariwe kwibuka ibikorwa vy\u2019aba \u00abSages-Femmes\u00bb. Uwo na wo ukaba ari umwuga ukorerwamwo vyinshi harimwo no gufasha abavyeyi kwibaruka. Uyu munsi rero ukaba ushitse mu gihe mu Burundi ibitigiri vy\u2019abanonosoye ivyigwa vy\u2019irondoka rijanye n\u2019amagara meza (Sage-Femme) kw\u2019isoko ry\u2019akazi bikiri bito ugereranije n\u2019abakenyezi babitura. Mu 2017 umu sage-femme 1 yakurikirana abakenyezi 27080<\/strong><\/strong> bari mu gihe c’irondoka (hagati y’imyaka 15 na 49) . <\/strong><\/p>\n\n\n\n

Nk\u2019uko tubiyagirwa n\u2019umu Sage-Femme Harushimana Augustin, aserukira ishirahamwe M.A.A Vyara Uheke mu Burundi, afatiye ku matohoza yakozwe ku butaka bw’u Burundi, avuga ko ibitigiri vy\u2019abize bakanonosora igisata ca Sage-Femme mu mwaka wa 2019 bari 1319, ariko muri bo abari bafise akazi bakaba bari 187. Na yo mu mwaka wa 2017 abari bafise akazi bari 103. Ico gitigiri rero ngo ni gito cane kuko afatiye ku vyigwa vyakozwe no ku bantu baba mu Burundi avuga ko umu \u00abSage-Femme\u00bb 1 afasha abakenyezi bari mu gihe co kurondoka(imyaka 15 kugeza 49) 27.080 mu gihe OMS yo isaba ko umu Sage-Femme 1 yofasha abakenyezi bari muri ico gihe(imyaka 15 gushika 49) 5000.<\/p>\n\n\n\n

\"\"
Harushimana Augustin, aserukira ishirahamwe M.A.A Vyara Uheke mu Burundi<\/em><\/strong><\/figcaption><\/figure>\n\n\n\n

Ivyo bitigiri binini vy\u2019abitura umu Sage-Femme umwe mu Burundi ngo bituruka ku bitigiri bito vy\u2019abahabwa akazi muri ico gisata kuko ku mavuriro menshi atababa bahari kubera ko bahitamwo gukoresha abaforoma. Ariko OMS yo isaba ko kuri buri vuriro haba hariko aba sage-femme 3 umwe wese akabwirizwa gukora amasaha 8 kugira iryo vuriro rimare amasaha 24h kuri 24h ririko umu sage-femme. Rero urugero ruto rw\u2019abanonosoye ivyigwa vy\u2019irondoka rijanye n\u2019amagara meza bahabwa akazi rutuma n\u2019ibitigiri vy’abakenyezi bapfa mu gihe c’ukwobaruka hamwe n’ivy\u2019abana bapfa bakivuka bitagabanuka ku rugero rushimishije. Mu mwaka wa 2017, mu Burundi hapfa abagera kuri 334 ku bana 100.000 baba bavutse bakomeye mu gihe ihangiro rya Reta ari iry\u2019uko mu 2030 ata mwana yoba agipfa mu gihe co kuvuka canke umukenyezi mu gihe c’ukwibaruka<\/p>\n\n\n\n

Sage femme, umwuga usaba ukwitanga<\/strong><\/p>\n\n\n\n

SF Harushimana Augustin avuga ko uwo mwuga kuwukora ari umuhamagaro kuko uruhisha cane kandi usaba kwihangana no kwitangira ababitura. Ivyo abisigura muri aya majambo\u00a0: \u00ab Burya iyo uriko urakurikirana umuvyeyi yibaruka bisaba kumuguma iruhande. Nta vyo gusinzira bibamwo. Iyo umukenyezi ari irya mbere agiye kwibaruka amara amasaha 12 ku bise, iyo yari amaze kwibaruka na ho amara amasa ari hagati ya 8 na 10 ari ku bise. Ivyo bise na vyo buba ari ububabare burenze urugero umukenyezi aba ariko. Hari igihe rero uca usanga uba uri umu sage-femme umwe uriko urakurikirana abantu batatu bose bari mu mibabaro y\u2019ibise. No gufungura uravyibagira kuko uguma ukora witanga kugira urokore ubuzima bw\u2019abo bavyeyi n’ibibondo baba biteze \u00bb.<\/em>\u00a0<\/p>\n\n\n\n

\n
Umukenyezi yibungenze canke yibarutse, ni gushika ryari yemerewe kurangura amabanga y\u2019abubatse?<\/a><\/blockquote>