{"id":5057,"date":"2020-04-22T11:48:25","date_gmt":"2020-04-22T09:48:25","guid":{"rendered":"https:\/\/www.jimbere.org\/amayagwa\/?p=5057"},"modified":"2020-05-09T14:27:07","modified_gmt":"2020-05-09T12:27:07","slug":"burundi-kaminuza-za-reta-amahera-2000-yo-gusinyisha-contrat-de-pret-bourse-arateye-amakenga-abanyeshure","status":"publish","type":"post","link":"https:\/\/www.jimberemag.org\/amayagwa\/burundi-kaminuza-za-reta-amahera-2000-yo-gusinyisha-contrat-de-pret-bourse-arateye-amakenga-abanyeshure\/","title":{"rendered":"Kaminuza za Reta: amahera 2000 yo gusinyisha \u00abcontrat de pr\u00eat-bourse\u00bb arateye amakenga abanyeshure"},"content":{"rendered":"\n<p><strong>Mu gihe \u00abpr\u00eat-bourse<strong>\u00bb<\/strong> yariko irakwiza imyaka itatu itangwa mu makaminuza ya reta ata kirinze gusabwa, ikigo BBES (Bureau des Bourses d\u2019Etudes et de Stages) carasohoye urwandiko rumenyesha ko umunyeshure wese asaba ingurane abwirizwa gutanga 2&nbsp;000 Fbu yo gusinyisha \u00abcontrat de pr\u00eat-bourse\u00bb. Ayo nayo agahabwa umu <strong>\u00ab<\/strong>notaire<strong>\u00bb<\/strong>. Abanyeshure bakaba baserura amakenga ku maherezo y\u2019ayo mafaranga mu gihe atahora atangwa.<\/strong><\/p>\n\n\n\n<p>Haraheze iminsi ikigo BBES gisohoye itangazo n<sup>o<\/sup> R\u00e9f:611\/BBES\/58\/2020. Abanyeshure bo mu makaminuza ya Reta baronka <strong>\u00ab<\/strong>pr\u00eat-bourse<strong>\u00bb<\/strong> ntibaryakiranye urweze. Ikigo BBES kivuga ko umunyeshure atanga ifishi yo gusabirako ingurane iherekejwe na 2000 Fbu. Ayo na yo, bakavuga ko ahabwa \u00abnotaire\u00bb kugira yemeze ko umunyeshure agiriraniye amasezerano na reta yo gusaba ingurane kandi azoyisubiza (<em>contrat de pr\u00eat-bourse).<\/em><\/p>\n\n\n\n<p>M.J umunyeshure aserukira abandi muri imwe mu ma kaminuza y\u2019Uburundi iri mu gisagara ca Bujumbura, avuga ko imbere yuko hasohoka itangazo, habanje kuza abakozi bo muri BBES kubasigurira ibijanye n\u2019itangwa ry\u2019ayo mahera, bababwira kandi ko n\u2019abagenzi babo b\u2019i Nyamugerera bariko barayatanga. Ayo mahera atozwa na \u00abd\u00e9l\u00e9gu\u00e9\u00bb agashikanwa muri BBES hama akaronka akaresi kemeza ko ishure aserukira ryarishe.<\/p>\n\n\n\n<figure class=\"wp-block-image size-large\"><img loading=\"lazy\" decoding=\"async\" width=\"498\" height=\"564\" src=\"https:\/\/www.jimberemag.org\/amayagwa\/wp-content\/uploads\/2020\/04\/Annotation-2020-04-22-113423.png\" alt=\"\" class=\"wp-image-5059\" srcset=\"https:\/\/www.jimberemag.org\/amayagwa\/wp-content\/uploads\/2020\/04\/Annotation-2020-04-22-113423.png 498w, https:\/\/www.jimberemag.org\/amayagwa\/wp-content\/uploads\/2020\/04\/Annotation-2020-04-22-113423-265x300.png 265w\" sizes=\"auto, (max-width: 498px) 100vw, 498px\" \/><\/figure>\n\n\n\n<p>Ivyo rero bikaba bitera amakenga abanyeshure kuko batumva igituma akaresi gahabwa ishure aho guhabwa umunyeshure umw\u2019umwe wese. Banafatiye ku kuntu bari basanzwe baronka iyo ngurane ata na kimwe kirinze gusabwa kiretse kwuzuza impapuro bahabwa, abanyeshure benshi \u00a0ntibatahura neza iyo ngingo nshasha. Bitayeko, n\u2019itangazo ribahamagarira gutanga ayo mahera ryamanitswe ku bigo vya kaminuza bararinegura kuko ritagira itariki ryatereweko umukono. Bakavuga ko bakeneye umuco ukwiye.<\/p>\n\n\n\n<p><strong>Muri BBES bati: \u00ab&nbsp;Ayo mahera ntiyibwa ahabwa notaire&nbsp;\u00bb<\/strong><\/p>\n\n\n\n<p>Eddy Claude Nitegeka umuhanuzi muri BBES agira ati:<em>\u00abAbanyeshure bagitangura gusaba ingurane, ni bo gusa bisinyira amasezerano y\u2019ingurane basavye. Ariko haribonekeje agahaze. Umuntu yarashobora kuyisaba yiga nko muri kaminuza y\u2019Uburundi, yayoberwa agaca aja kwiyandikisha gushasha nko kuri ENS canke akabiheba kugira acikane ingurane yasavye reta. Hari n\u2019igihe umunyeshure yiyandikisha nko kuri ENS atararonka iyo ngurane agaca ahindura akaja kwiga nko muri INSP, amahera ugasanga asohoka kabiri. Kubera rero ko Reta idaheranwa, hafashwe ingingo yuko abasavye bose iyo ngurane baca kwa \u00ab&nbsp;notaire&nbsp;\u00bb umwe kandi afitaniye amasezerano n\u2019ubushikiranganji bw\u2019inyigisho za kaminuza akavyemeza mu mategeko. Izo nyandiko z\u2019abasavye ingurane ni nawe azishingura kugira abayisavye babe bazwi kandi bazotorwe hamwe mu gihe co kwishuza. Rero, mu mategeko ikintu cose \u00abnotaire\u00bb agiriye \u00ab&nbsp;l\u00e9galisation&nbsp;\u00bb bamuha 2000 Fbu. Ni co gituma n\u2019abo banyeshure babwirizwa kuyariha.<\/em><\/p>\n\n\n\n<p>Na yo ku bijanye n\u2019igituma ayo mahera atoza aba \u00ab\u00a0d\u00e9l\u00e9gu\u00e9s\u00a0\u00bb mbere n\u2019uturesi akaba ari bo duhabwa, Nitegeka avuga ko bashatse ko bibera ku rutonde ata kajagari kagiyemwo. Agira ati\u00a0:\u00a0<em>\u00ab\u00a0Turetse umwe wese akayijanira kwa \u00abnotaire\u00bb, hari aboyatanga batevye ugasanga bacereje abandi kuronka iyo ngurane ku gihe. Ariko biciye k\u2019uwuserukira abandi, bica binyaruka kuko atangira rimwe urutonde rw\u2019abarishe gutyo agahabwa akaresi kemeza ko amahera yashikanye ahuye n\u2019igitigiri c\u2019abayisavye \u00bb. Nitegeka akavuga ko abafise amakenga yohera kuko umu \u00ab\u00a0notaire\u00a0\u00bb bakorana azwi kandi abimenyereye. Uwo na we akaba ari Clotilde Niragira yigeze kuba arongoye ubushikiranganji bw\u2019ubutungane.<\/em><\/p>\n\n\n\n<p>Rero, bivanye n\u2019uburyo Reta ifise, abanyeshure bahabwa iyo ngurane ibafasha kwiyungunganya mu bijanye no kwiga ari abo muri kaminuza y\u2019Uburundi, abo kw\u2019ishure nderabigisha ENS, kuri INSP n\u2019abo kuri ISGE, umwe umwe akaba yandikiwe 60.000 Fbu ku kwezi, ariko akaba aronkera rimwe 177.000 FBU mu mezi atatu kuko hakurwako 3000 Fbu vy\u2019ayo baba barihiwe agakarata ko kwivurizako.<\/p>\n\n\n\n<p><\/p>\n","protected":false},"excerpt":{"rendered":"<p>Mu gihe \u00abpr\u00eat-bourse\u00bb yariko irakwiza imyaka itatu itangwa mu makaminuza ya reta ata kirinze gusabwa, ikigo BBES (Bureau des Bourses d\u2019Etudes et de Stages) carasohoye urwandiko rumenyesha ko umunyeshure wese asaba ingurane abwirizwa gutanga 2&nbsp;000 Fbu yo gusinyisha \u00abcontrat de pr\u00eat-bourse\u00bb. Ayo nayo agahabwa umu \u00abnotaire\u00bb. Abanyeshure bakaba baserura amakenga ku maherezo y\u2019ayo mafaranga mu [&hellip;]<\/p>\n","protected":false},"author":30,"featured_media":5062,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[205],"tags":[408,422,421],"coauthors":[189],"class_list":["post-5057","post","type-post","status-publish","format-standard","has-post-thumbnail","hentry","category-indero","tag-abanyeshure","tag-bbes","tag-pret-bourse"],"_links":{"self":[{"href":"https:\/\/www.jimberemag.org\/amayagwa\/wp-json\/wp\/v2\/posts\/5057","targetHints":{"allow":["GET"]}}],"collection":[{"href":"https:\/\/www.jimberemag.org\/amayagwa\/wp-json\/wp\/v2\/posts"}],"about":[{"href":"https:\/\/www.jimberemag.org\/amayagwa\/wp-json\/wp\/v2\/types\/post"}],"author":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/users\/30"}],"replies":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/comments?post=5057"}],"version-history":[{"count":3,"href":"https:\/\/www.jimberemag.org\/amayagwa\/wp-json\/wp\/v2\/posts\/5057\/revisions"}],"predecessor-version":[{"id":5067,"href":"https:\/\/www.jimberemag.org\/amayagwa\/wp-json\/wp\/v2\/posts\/5057\/revisions\/5067"}],"wp:featuredmedia":[{"embeddable":true,"href":"https:\/\/www.jimberemag.org\/amayagwa\/wp-json\/wp\/v2\/media\/5062"}],"wp:attachment":[{"href":"https:\/\/www.jimberemag.org\/amayagwa\/wp-json\/wp\/v2\/media?parent=5057"}],"wp:term":[{"taxonomy":"category","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/categories?post=5057"},{"taxonomy":"post_tag","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/tags?post=5057"},{"taxonomy":"author","embeddable":true,"href":"https:\/\/www.jimberemag.org\/amayagwa\/wp-json\/wp\/v2\/coauthors?post=5057"}],"curies":[{"name":"wp","href":"https:\/\/api.w.org\/{rel}","templated":true}]}}