{"id":4562,"date":"2019-12-16T09:43:24","date_gmt":"2019-12-16T08:43:24","guid":{"rendered":"https:\/\/www.jimbere.org\/amayagwa\/?p=4562"},"modified":"2019-12-29T12:54:20","modified_gmt":"2019-12-29T11:54:20","slug":"umugambi-win-win-twuzuzanye-care-burundi-nawe-nuze-kirundo-gitega","status":"publish","type":"post","link":"https:\/\/www.jimberemag.org\/amayagwa\/umugambi-win-win-twuzuzanye-care-burundi-nawe-nuze-kirundo-gitega\/","title":{"rendered":"Umugambi \u00abTwuzuzanye\u00bb: nta terambere ry’umukenyezi risiga inyuma umugabo!"},"content":{"rendered":"\n

Ishirahamwe Care Burundi ryaratunganije kuri uyu wa 12 kigarama,mu gisagara ca Bujumbura, uruganda rw’umwihwezo w’ivyitegererezo vya Care, mu mugambi wiswe \u00abwin-win\u00bb twuzuzanye, urangurwa mu ntara za Kirundo na Gitega.<\/strong><\/p>\n\n\n\n

Abakenyezi bahurikiye mu migwi ya Nawenuze ari na bo bafashwe mu mugongo n’uwo mugambi mu ntara ya Kirundo na Gitega, bari bishikiye i Bujumbura mw’ihoteri Martha, bicaranye n’abarongoye umugambi \u00abWin-win Twuzuzanye\u00bb umaze imyaka 4, kugirango barabire hamwe ivyo bamaze gushikako, baronswe n’impanuro zitari zike, zivuye mu bushakashatsi bwiswe \u00abMpindure ingendo\u00bb.<\/p>\n\n\n\n

Nkuko bishikirizwa na Domithile Ntacobakimvuna, umuhuzabikorwa muri uwo mugambi, ibikorwa nyamukuru vyawo ni ugukangurira abakenyezi ngo bijukire uburimyi bwa kijambere, na cane cane igiterwa c’umuceri, kimwe mu vyerekanywe mu bushakashatsi bwakozwe, ko kirimwo uburyo butari buke bwotuma umukenyezi ashobora kwiteza imbere, gutyo n’umuryango wose udasigaye inyuma. Arongera akamenyesha ko umugambi wongera ukigisha ukubaho neza, ugutatura amatati, uguhindura ingendo, ukwihangira imirimo ya kazoza ihurikiyemwo bose atawusigaye inyuma, hamwe no gufungurira ibibondo imfungurwa zikwije vya ngombwa, zirimwo imboga n’ivyamwa kandi vyirimiwe mu kibano, biciye mu kugwiza uturima shuri.<\/p>\n\n\n\n

\"\"<\/figure><\/div>\n\n\n\n

Domithile Ntacobakimvuna ashikiriza ko\nabakenyezi bamaze gukorana bageze kuri 9 911 bari mu mugambi Nawenuze,\nbakaba na bo baca bigisha abandi ku mitumba, gutyo ntihagire uwusigara inyuma.<\/p>\n\n\n\n

Nubwo abakenyezi basa n’abashizwe imbere\nbivanye n’ukwo ikibano kitabahaye ikibanza bakwiriye kuva muri kahise, umugambi\nTwuzuzanye ntiwashize inyuma abashingantahe, mukubaha ikibanza bakwiye kugira\nikibano gitere imbere.<\/p>\n\n\n\n

Abo bashingantahe rero, biswe \u00ab\u00a0Abatangamuco\u00a0\u00bb.  <\/em>Domithile Ntacobakimvuna asigura ko babiyegereza bivanye n’imico itameze neza baba bafise mu kibano, gutyo bakabigisha bikwiye, bafatiwe umwanya munini, gutyo, bamaze guhinduka, nibo baheza bagafasha abandi bagisigaye inyuma, kuko intahe zabo ziba ari ibitanyegezwa, bivanye n’inyifato mbi baba barahevye, gutyo bagacika ivyitegererezo.<\/p>\n\n\n\n

Intambwe irashimishije kubari mu mugambi<\/strong><\/p>\n\n\n\n

Mbonimpa Fid\u00e8s, umwe mu bakenyezi\nbari mu mugambi Win-win Twuzuzanye ku musozi wa Mwumba, komine Mutaho mu ntara\nya Gitega, ashikiriza ko yahungukiye vyinshi, mu gihe imbere yuko umugambi\nubashikira yari nyamwigendako, atokwibajije ko yogira ico aterereye mu kibano.\nAmaze kuronswa inyigisho, yafashe iya mbere mu gufasha ugukinga amatati mu\nkibano, mu kugwanya yivuye inyuma uguharika, abifashijwemwo n’abandi bakenyezi\nb’imboneza. \u00abKu gatwe kanje, ndamaze\ngutatuta amatati arenga 170, aho abakenyezi baba bahohotewe mu buryo\nbutandukanye.Turakora ibikorwa vy’iterambere bitandukanye. Duherutse gusibura\nibarabara ringana ibirometero 12, nayo ku bijanye n’uburimyi, na cane cane ku\ngiterwa c’umuceri, ubu turimbura incuro 10 ku vyo twimbura imbere y’umugambi\u00bb.<\/em><\/p>\n\n\n\n

\n
\u00ab Nawe Nuze \u00bb: kuva 2016, abakenyezi ibihumbi 46 baramaze gufashwa na Care International Burundi mu ntara ya Kirundo<\/a><\/blockquote>