{"id":4030,"date":"2019-09-20T12:38:25","date_gmt":"2019-09-20T10:38:25","guid":{"rendered":"https:\/\/www.jimbere.org\/amayagwa\/?p=4030"},"modified":"2021-01-27T15:22:03","modified_gmt":"2021-01-27T14:22:03","slug":"umugambi-abana-ibarabara-agateka-burundi","status":"publish","type":"post","link":"https:\/\/www.jimberemag.org\/amayagwa\/umugambi-abana-ibarabara-agateka-burundi\/","title":{"rendered":"Muri Reta bati \u00ab\u00a0abana 4.000 baramaze kuva mw\u2019ibarabara\u00a0\u00bb"},"content":{"rendered":"\n

Inyuma\ny\u2019umugambi wo gukura abana basegerereza mu bisagara, benshi muri bo\nbarasubijwe mu miryango abandi basubizwa mu ma shure. Muti none\nbigeze hehe ? Ikinyamakuru Jimbere caregereye bamwe mu bana\nbahoze mw’ibarabara hamwe n’abavyeyi baratuyagira ubuzima babayemwo\nubu.<\/strong><\/p>\n\n\n\n

Kuva mu mwaka w\u2019 2016, Reta y’Uburundi ifatikanije n\u2019amwe mu mashirahamwe yitaho agateka k’abana<\/strong> akorera mu Burundi barashizeho umugambi wo gukura abana basegerereza canke baba mw’ibarabara. Si agaseseshwarumuri abana bari mw’ibarabara ico gihe, baguma biyongera uko bukeye n\u2019uko bwije. Mu matohoza yakorewe mu bisagara vya Bujumbura, Gitega, Ngozi na Kayanza mu mwaka w\u2019 2010, yerekanye ko abana barenga 3260 ari bo bari mw’ibarabara<\/strong> kandi akerekana ko atagikozwe vuba na vuba ico gitigiri cari kigiye kwongerekana.<\/p>\n\n\n\n

Uwo mugambi umaze kuja mu ngiro, ibitigiri vy\u2019abana bari mw\u2019ibarabara vyaragabanutse. Abahora banyuragirana mu bibanza bitandukanye vyo mu gisagara ca Bujumbura, canecane ku gituro c\u2019amabisi, mu buriro no mu bunywero butandukanye aho wasanga bagandagaje k’ubwinjiriro barindiriye gusega abinjira n\u2019abasohoka baragabanutse. Ivyo bikemezwa na Ignace Ntawembarira asanzwe atwara igisata kiraba abana n’imiryango mu Bushikiranganji bw’agateka ka zina muntu, imibano n’iterambere ridakumira aho avuga ko abana bababa 4.000 ari bo boba bamaze gukurwa mw’ibarabara. <\/strong><\/p>\n\n\n\n

Ni\nigiki gituma abana baja mw\u2019ibarabara ?<\/strong><\/p>\n\n\n\n

Ubukene buri mu miryango<\/strong>, ukutitabwaho n\u2019abavyeyi ni bimwe muri bikuru bikuru bikunda gutuma abana bata imiryango yabo hama bakaza kugira uburaro n’uburamuko ibarabara.
Nadia umwana w’umwigeme w’imyaka 12, ni umwe muri benshi birirwa gusegerereza mw’ibarabara imbere yuko uwo mugambi uja mungiro. Agira ati :\u00abTwava mu Buterere hamwe n\u2019uwundi mugenzi wanje w\u2019umukobwa tugiye gusega hagati mu gisagara ca Bujumbura . Hari igihe twaronka ikindi gihe naho tukabura. Ayo naronse nayakoresha mu gusuma ivyo dufungura muhira canke mu kuyagura uduhuzu canke uturato. Ariko kenshi papa izo mpuzu n\u2019ibirato nasanga yabigurishije. Hari igihe nigeze kumufata agiye kugurisha ikanzu zibiri nari naguze nca ndabibwira umupolisi twari duhuye ndiko ndamwirukako na we yanyishuye ngo wewe uracari umwana ntushobora kwitwarira umuvyeyi \u00bb.<\/em><\/p>\n\n\n\n

Alain\nBoris Ntirandekura asanzwe ari mw’ihuriro ry’abana ku rwego\nrw’igihugu Foneb avuga ati : \u00ab\nIgihe cose twagiye kuraba abana bo mw’ibarabara bagaruka kw’ijambo\nubukene: ngo sinogenda kw’ishure nshonje, sinogenda kw\u2019ishure\nntafise impuzu\u2026 \u00bb<\/em><\/p>\n\n\n\n

Arongera ati : \u00ab Ntawovuga ko ari ubukene gusa butuma abana baja mw’ibarabara hariho kandi n’ikibazo c’indyane usanga ziri mu miryango<\/strong> aho ushobora kubona abavyeyi bama bariko bararwana. Ivyo na vyo birashobora gutuma umwana yiyumvira kuhava akigira mw\u2019ibarabara<\/em>. Ikindi tutokwirengagiza ni ubugaba bw’abana, ico nokwita agakuku. Aho usanga umwana abonye bagenzi biwe basigaye bari mw’ibarabara na we ngo natanzwe ! Agaca abakurikira. Ikibabaje rero ni uko bene abo bana usanga akenshi ataco baba bari babuze muhira iwabo \u00bb<\/em>.<\/p>\n\n\n\n

\n

????????"#Korako<\/a>": Isekeza ryo kwegeranya imfashanyo y\u2019amakaye izohabwa abanyeshuri 300 ba ntahonikora bo mu ntara ya Bujumbura Rural na @MairieBujumbura<\/a> https:\/\/t.co\/Leq4lrRpLv<\/a>#Burundi<\/a> #school<\/a> #schoollife<\/a> pic.twitter.com\/gMsqgfDyT9<\/a><\/p>— Jimbere (@JimbereMag) September 6, 2019<\/a><\/blockquote>