{"id":3701,"date":"2019-08-07T12:46:34","date_gmt":"2019-08-07T10:46:34","guid":{"rendered":"https:\/\/www.jimbere.org\/amayagwa\/?p=3701"},"modified":"2019-08-09T13:36:17","modified_gmt":"2019-08-09T11:36:17","slug":"abakenyezi-urudandaza-congo-njabukambibe-tmea-burundi-eac","status":"publish","type":"post","link":"https:\/\/www.jimberemag.org\/amayagwa\/abakenyezi-urudandaza-congo-njabukambibe-tmea-burundi-eac\/","title":{"rendered":"Abakenyezi bagera ku 2000 bakora urudandaza rutoruto njabukambibe bagiye gushigikirwa n\u2019ikigo TMEA"},"content":{"rendered":"

Amafaranga arenga 600.000 y\u2019amadorari y\u2019amanyamerika niyo ategekanywa kuzokora mu mugambi wo guteza imbere abakenyezi bakora urudandaza njabukambibe bo mu ntara zine: Cibitoke, Bujumbura, Rumonge, na Makamba, mu kiringo c\u2019imyaka ibiri (2019-2021). Vyaraye bishikirijwe na Christian Nibasumba aserukira mu Burundi ikigo corohereza abakora urudandaza njabukambibe mu Karere ka Afurika y\u2019Ubuseruko, Trademark East Africa (TMEA)<\/a>.<\/b><\/span><\/span><\/p>\n

\"\"

Abakenyezi bakora urudandazwa njabukambibe bariko barasigurira TMEA ingorane zabo<\/p><\/div>\n

Amashirahamwe abiri: Partner Africa (PA)<\/a> na Association des Femmes Rapatri\u00e9es du Burundi (Afrabu)<\/a> niyo yacaguwe n\u2019ibiro vy\u2019ikigo TMEA mu Burundi gushira mu ngiro uwo mugambi ufise ihangiro ry\u2019ugufata mu mugongo abakenyezi bakora urudandaza rubayabaye bashorera mu bihugu bibanyi (Congo, Rwanda na Tanzania): \u00ab Women in Cross Border Trade \u2013 Sharing Information \u00bb<\/em>.<\/span><\/span><\/p>\n

Irindi hangiro ry\u2019uwo mugambi akaba ari gushinga ibiro vy\u2019uguhanahana amakuru mu vy\u2019ubudandaji (Bureau d\u2019information commerciale) mu ntara ziri ku mbibe z\u2019igihugu nka Makamba na Rumonge, ndetse hanatezwe imbere bene ivyo biro bisanzwe biri mu Gatumba no ku Ruhwa, hatibagiwe inyigisho zizohabwa abakenyezi mu bijanye n\u2019urudandaza njabukambibe, banafashwe no kurahura ubumenyi babone uko abandi bakora.<\/p>\n

Abo bakenyezi biraborohera mu rudandaza bakora?<\/b><\/span><\/span><\/p>\n

Intambamyi ni nyinshi kuri abo bakenyezi basanzwe bikorera urudandaza rubayabaye nk\u2019uko babimenyesheje ku muhingamo w\u2019uyu wa 6 Myandagaro, igihe<\/span><\/span> Komite nkuru ijejwe kugenzura ibikorwa vy\u2019ikigo TMEA mu Burundi (National Oversight Commitee) yari iramutse igendera abakenyezi bakora urudandaza rutoruto njabukambibe ku mupaka wa Gatumba-Kavimvira,<\/span><\/span> bahurikiye muri koperative \u00ab Tushirikiwote \u00bb.<\/span><\/span><\/p>\n

Hakizimana B\u00e9atrice, umwe mu bakenyezi bahurikiye muri iyo koperative, agi ati : \u00ab <\/span><\/span>Benshi muri twebwe usanga tudandaza utumandarine canke imicungwe. Tukiva mu Burundi ntihabura abo duhura batwaka amafaranga, twajabukira muri congo ho bikaba ibindi. Uwo duhuye wese agenda aradutuza ivyo twikoreye, ngo utazanye aya nturengana, ugasanga rero na ka gatahe kagiriyemwo gutyo tukama mu rushako. <\/i><\/span><\/span>\u00bb<\/span><\/span><\/p>\n

\"\"

Komite nkuru ijejwe kugenzura ibikorwa vy’ikigo TMEA yaragendeye bamwe mu bakenyezi b’abarundikazi basanzwe bakorera urudandaza rubayabaye mu gihugu kibanyi ca Congo, bahurikiye muri koperative ‘Tushirikiwote’, mu Gatumba<\/em><\/strong><\/p><\/div>\n

Blanco Bitakwira, aserukira ibiro vy\u2019uguhanahana amakuru ku bijanye n\u2019urudandaza ku ruhande rwa Congo, nawe nyene avuga ko abo bakenyezi bakora urudandaza rubayabaye batarira busema, kuko ngo ata kuntu na kumwe bokwunguka mu gihe bashitse ku mupaka w\u2019i Burundi basabwa ikarata ya CPGL nshasha, ku wa Congo naho bati zana aya. We ngo arakora uko ashoboye ariko ngo agira aho ageza. <\/span><\/span><\/p>\n

N\u2019igiki coba kirakorwa mu maguru masha?<\/b><\/span><\/span><\/p>\n

Clarisse Baricako asanzwe aserukira iyo koperative agasaba ko Reta yoborohereza mu kubaronsa agakarata kabamenyekanisha bita \u00ab Jirani mwema \u00bb<\/em> maze bakaza barajabukana ivyo bidandazwa vyabo batarinze kuriha ku rubibe rw\u2019Uburundi na Congo canke naho bakabagabanya amafaranga kuko ngo kwama barishe ibihumbi 18.000 Fbu vy\u2019ikarata ya CPGL buri uko amezi abiri atashe navyo bitaborohera. Bagasaba kandi inzego zibijejwe ko zogiriranira ibiganiro na Reta ya Congo maze baze bararengana batekaniwe.<\/span><\/span><\/p>\n

Abo bakenyezi bo mu Gatumba basanzwe bakora urudandaza njabukambibe bakaba bagendewe na komite nkuru ijejwe kugenzura ibikorwa vy\u2019ikigo TMEA mu Burundi, inyuma y\u2019inama igira iya 30 ihuza iyo komite yari yabereye kw\u2019ihoteri yitiriwe ikiyaga Tanganyika, aho Christian Nibasumba aserukira ico kigo, yari yaramutse yerekana ivyaranguwe muri uwu mwaka urenganye n\u2019ibigiye kurangurwa mu gice gikurikira.<\/span><\/span><\/p>\n

\n

Gutembereza ibicuruzwa mbumbarugo umuhana ku wundi, uburyo bugezweho bwo guca akanoti? Erega iyo vyagenze neza, Kabirori araronka nka 5.000 Fbu y'inyungu ku munsi kubera imyumbati yiwe https:\/\/t.co\/aBm9DmlNtJ<\/a>#Burundi<\/a> #EntrepreneurshipWorldCup<\/a> pic.twitter.com\/R8mcMmZcJN<\/a><\/p>\n

— Jimbere (@JimbereMag) July 15, 2019<\/a><\/p><\/blockquote>\n