{"id":3490,"date":"2019-07-14T21:05:36","date_gmt":"2019-07-14T19:05:36","guid":{"rendered":"https:\/\/www.jimbere.org\/amayagwa\/?p=3490"},"modified":"2019-10-28T18:56:49","modified_gmt":"2019-10-28T17:56:49","slug":"abakenyezi-badutse-bakina-umupira-wamaguru-mu-kinama-kugira-bunge-kandi-ikibano","status":"publish","type":"post","link":"https:\/\/www.jimberemag.org\/amayagwa\/abakenyezi-badutse-bakina-umupira-wamaguru-mu-kinama-kugira-bunge-kandi-ikibano\/","title":{"rendered":"\u00ab\u00a0Abakenyezi badutse bakina umupira w’amaguru mu Kinama, kugira bunge kandi ikibano\u00a0\u00bb"},"content":{"rendered":"

Kw\u2019igenekerezo rya 4 mukakaro 2019, \u00ab\u00a0Abakenyezi b\u2019intwari bibagiwe\u00a0\u00bb<\/em> bishikiye mu ntara ya Karusi. Uretse ko benshi mu bitavye bari bamaze kubona umupfasoni Christine Ntahe, barakengurutse intahe zashinzwe na Georgette Mahwera na Rejina Nduwimana. Eka n\u2019abajejwe intwaro barashima.<\/b><\/span><\/p>\n

Abanyakarusi bari bakerebutse cane mu kiganiro. Abitavye bari barwiyemwo abakenyezi, mugabo n\u2019abagabo n\u2019urwaruka ntibatanzwe. Ku kibuga c\u2019inkino co ku murwa mukuru wa Karusi, abakenyezi b\u2019imboneza bamwebamwe baza bamaze gushika kuhashika kuva igihe c\u2019isaha zitatu mu gatondo.
\nUko umwanya wahera ni ko biyongera. Ubona ko n\u2019akazuba katari kenshi, abana baguma bikinira agapira kuri ico kibuga. Ku ruhande rwo mu buseruko bw\u2019ico kibuga, hariko harubakwa ubwugamo bunini. Abafundi bari ku kuvi. Baguma babazanya ibihava bibera ngaho kuko bahuma bumva indirimbo zisekera, hongera hacamwo akamo gatewe abantu kuza kwyumvira intahe zishingwa na bamwe mu bakenyezi bavugwa muri cio gitabo. Ku mutaga, abantu bahavuye bagwira uko baza baratorokana. <\/span><\/p>\n

Icibonekeje ni uko n\u2019abategetsi mu ntara bari bitayeho cane ico gikorwa, ku buryo umuhanuzi wa Buramatari ajejwe imibano n\u2019imico kama be n\u2019abandi bajewe amabanga ahambaye, babanje kuhakubitira hakiri kare ibirori bitaratangura, kugira ngo birabire uko ibintu vyifashe. Eka n\u2019ukuntu umukuru wa zone zone yahimiriza abantu kuzana intebe vyaragaragaza umwitwarariko n\u2019agaciro bahaye ico gikorwa.<\/span><\/p>\n

\"\"

Georgette Mahwera, ariko aratera inkuru abari baje ingene bakinye umupira mu Kinama<\/strong><\/em><\/p><\/div>\n

Abatari bake bari bazi umupfasoni Christine Ntahe. Hari benshi baza kumugumbira, abandi na bo bakamubwirana. Mu bitavye ako kamo, harimwo abapfasoni Zenayidi Nagashira na Eug\u00e9nie Bancako basanzwe na bo nyene banditswe muri ico gitabo.
\nMugabo bari bitavye nk\u2019abandi, ariko bahavuye berekanwa i Karusi, kanatsinda ivyo bakoze benshi barabizi. Ibirori vyuguruwe n\u2019umuhanuzi wa Buramatari ajejwe imibano n\u2019imico kama.<\/span><\/p>\n

Amahoro imbere ya vyose<\/b><\/span><\/p>\n

Baba abatware canke abatwarwa, vyaribonekeza ko bakenguruka. Mw\u2019ijambo ry\u2019ikaze, umuhanuzi wa Buramatari yaramenyesheje ko ahimbawe n\u2019ukwibonera Christine Ntahe kuko ngo yahora amwumva gusa. Yarakenguengurutse rero kubona abo bapfasoni bashise muri iyo ntara. Akagira ati:<\/span><\/span> \u201cTwizeye ko iki gitabo kiza gufasha abanyakarusi kuko kirimwo ubutumwa bw\u2019amahoro. Mutege amatwi rero mwongere mufate nkama ivyo muza kwumva.\u201d<\/i><\/span><\/span><\/p>\n

Yaranamenyesheje ko iyo ntara isanze itekanye, mugabo ngo kubumbatira amaho ni uguhozako. <\/span><\/span><\/p>\n

Christine Ntahe amaze gufata ijambo, yavuze ko yamenyanye n\u2019abo bakenyezi yanditse muri ico gitabo, igihe mw\u2019ishirahamwe ry\u2019Abanyamerika <\/span><\/span>Search For Common Ground<\/a>. <\/i><\/span><\/span>Ico gihe ngo ni ho bashinga intahe, bavuga umwe wese ivyo yabayemwo n\u2019uko yavyifashemwo. Amaze kubereka ba bapfasoni bagendanye, Georgette Mahwera wo mu gisagara ca Bujumbura muri zone ya Kinama yaciye amenyesha abari aho ivyo yaciyemwo.
\nVyarashika bakaduka bagatwenga, ahandi na ho ukabona ko harimwo vyishi biteye ikiroroge ku mutima. <\/span><\/span><\/p>\n

Bariyumviye ukuntu Abahutukazi bo mu Kinama n\u2019Abatutsikazi bo mu Cibitoke biyunze biciye kure cane, maze amahoro aragaruka abo muri ayo mazone basubira kugenderanira kubera uruhara rw\u2019abakenyezi. Abari mu bukene buzura inzara barasubira bariyungunganganya baratunga baratunganirwa. <\/span><\/span><\/p>\n

Mahwera ati: <\/span><\/span>\u201cKinama yose twari twarayihunze ata n\u2019inyoni iharangwa. Mu nyuma twumvikanye guhura turi abagore 20 bo muri ayo mazone abiri. Twahavuye dutangura gusibura impangu zabaye umusaka. Bukebuke twaritunganije ata mugabo n\u2019umwe arimwo, duhava twumvikana gukina umupira w\u2019amaguru dukwembetse abantu bakatwita abasazi. Twashaka ko baza kuraba bitwengere, kandi baraje.\u201d<\/i><\/span><\/span><\/p>\n

Ivyo ngo ntivyahereye aho baraca imanza bagahana, kandi abajejwe intwaro n\u2019umutekano ngo barabakenguruka cane. Mu nyuma erega bararimye barimbura baratunga baratunganirwa.<\/span><\/span><\/p>\n

Uko mu Kinama na Cibitoke baronse amahoro biciye kure, n\u2019i Marangara muri Ngozi ni ko vyagenze. Umututsikazi Rejina Nduwimana, we yarabaciriye ku mayange ayo yagowe kugira ngo ashobore gusubira kwibonera Abahutukazi bahoze basangira akabisi n\u2019agahiye, ariko bagatandukanywa n\u2019indyane batazi iyo zizananye. Naho vyari bigoye ngo yariroshe arava mw\u2019ikambi y\u2019abateshejwe izabo abundabunda arashika mu mitumba araronka Abahutukazi, maze bumvikana ukuntu bagiye guharanira amahoro bari kumwe. <\/span><\/span><\/p>\n

Bukebuke ngo barabishitseko babitanguye binyegeje, bahava baja ahabona n\u2019ababita abahemu bahava baratahura. Amasoko, n\u2019amavuriro ngo yaciye asbira kwugurura.<\/span><\/span><\/p>\n